ஜப்பான் பிரதமராக யோஷிஹைட் சுகா-வுக்கு வாய்ப்புகள் அதிகரிப்பு
By: Nagaraj Tue, 01 Sept 2020 6:14:44 PM
சாத்தியக்கூறுகள் அதிகரிப்பு... ஜப்பான் பிரதமர் பதவியில் யோஷிஹைட் சுகா நியமிக்கப்படுவதற்கான சாத்தியக் கூறுகள் அதிகரித்துள்ளதாக தகவல் வெளியாகி உள்ளது.
உடல் நலக்குறைவை காரணம் காட்டி பிரதமர் பதவியில் இருந்து விலகுவதாக ஜப்பான் பிரதமர் ஷின்சோ அபே கடந்த வெள்ளிக்கிழமை அறிவித்தார்.
இதையடுத்து பிரதமராக யார் நியமிக்கப்படுவார்கள் என்ற எதிர்பார்ப்பு
எழுந்தது. இந்நிலையில் ஷின்சோ அபே நிர்வாகத்தின் செய்தி தொடர்பாளராகவும்,
அமைச்சரவை செயலாளராகவும் பணியாற்றிய சுகாவுக்கு ஆளும் லிபரல் டெமாக்ரடிக்
கட்சி ஆதரவு தெரிவித்துள்ளது. இதனால் அவர் பிரதமர் ஆகும் வாய்ப்புகள்
பிரகாசம் ஆகியுள்ளது.
மேலும், 14 ஆம் தேதி நடைபெற உள்ள
வாக்கெடுப்பில் கட்சியின் முக்கிய பிரதிநிதிகள் மட்டும் பங்கேற்பார்கள்
என்று தெரிவித்துள்ளது இது சுகாவின் வெற்றி வாய்ப்புக்கு கூடுதல் வலு
சேர்த்துள்ளதாக வல்லுநர்கள் தெரிவித்துள்ளனர்.