பிரபல பின்னணி பாடகர் எஸ்பி பாலசுப்பிரமணியம் காலமானார்: திரையுலகினர் இரங்கல்
By: Monisha Fri, 25 Sept 2020 2:05:32 PM
பிரபல பின்னணி பாடகர் எஸ்பி பாலசுப்பிரமணியம் அவர்களின் உடல்நிலை நேற்றிரவு முதல் கவலைக்கிடமாக இருந்த நிலையில் சற்று முன் அவர் காலமானதாக செய்திகள் வெளியாகியுள்ளது
எஸ் பி பாலசுப்பிரமணியம் அவர்கள் கொரோனா பாதிப்பு காரணமாக கடந்த ஆகஸ்ட் மாதம் சென்னையில் உள்ள தனியார் மருத்துவமனையில் அனுமதிக்கப்பட்டார். அவரது உடல்நிலை சிறிது சிறிதாக தேறி வந்த நிலையில் திடீரென நேற்று இரவு அவரது உடல்நிலை கவலைக்கிடமானது
இந்த நிலையில் எஸ்பிபி அவர்களை காப்பாற்ற மருத்துவர்கள் தீவிர முயற்சி செய்தும் பலனில்லாமல் இன்று பிற்பகல் 1.04 மணிக்கு அவர் மரணம் அடைந்ததாக தகவல்கள் வெளிவந்துள்ளன.
எஸ்பிபி அவர்களின் மரணம் திரையுலகினர் பெரும் அதிர்ச்சியை ஏற்படுத்தி உள்ளது என்பது குறிப்பிடத்தக்கது. மேலும் ஒட்டுமொத்த இந்திய திரையுலகினர் அவரது மறைவிற்கு இரங்கல் தெரிவித்து வருகின்றனர்.
