ராகுல்காந்தியின் பாதயாத்திரை வரலாறு படைக்குமாம்!!!

புனே: ராஜஸ்தானில் முதல்வர் அசோக் கெலோட் தலைமையிலான காங்கிரஸ் அரசில் அமைச்சராக இருந்த பர்சதி லால் மீனா பேசுகையில், ராகுல் காந்தியின் பாதயாத்திரை வரலாறு படைக்கும் என்று தெரிவித்துள்ளார்.

அகில இந்திய காங்கிரஸ் முன்னாள் தலைவர் ராகுல் காந்தி கடந்த செப்டம்பர் 7ம் தேதி தமிழகம் கன்னியாகுமரியில் இருந்து ஒற்றுமை பாதயாத்திரையை தொடங்கினார். அங்கிருந்து பாதயாத்திரை கேரளா சென்றது. அங்கு 19 நாட்கள் பாதயாத்திரை நடைபெற்றது.

இமாச்சல பிரதேசம் மற்றும் குஜராத் மாநிலங்களுக்கு இந்த ஆண்டு இறுதியில் சட்டசபை தேர்தல் நடைபெற உள்ளது. காங்கிரஸ் எம்பி ராகுல் காந்தி 2024 மக்களவைத் தேர்தலை இலக்காகக் கொண்டு கன்னியாகுமரியில் இருந்து காஷ்மீர் வரை இந்திய ஒற்றுமை யாத்திரை மேற்கொண்டுள்ளார்.

இந்நிலையில் கோவா முன்னாள் முதல்வர் பிரான்சிஸ்கோ சர்டினா, ராகுல் காந்தி பாதயாத்திரையை கைவிட்டு குஜராத் செல்லுமாறு கேட்டுக் கொண்டார். ராஜஸ்தானில் முதல்வர் அசோக் கெலோட் தலைமையிலான காங்கிரஸ் அரசில் அமைச்சராக இருந்த பர்சதி லால் மீனா பேசுகையில், ராகுல் காந்தியின் பாதயாத்திரை வரலாறு படைக்கும்.

இராமர் கூட அயோத்தியிலிருந்து இலங்கைக்கு வெறுங்காலுடன் நடந்தார். ராகுல் காந்தி அதையும் தாண்டி செல்கிறார். கன்னியாகுமரியில் இருந்து காஷ்மீர் வரை நடைபயணம் மேற்கொள்வேன் என்றார். இதையடுத்து இன்று செய்தியாளர்களிடம் பேசிய மராட்டிய காங்கிரஸ் தலைவர் நானா படோலே, ராமரும் சங்கராச்சாரியாரும் நடைபயணம் மேற்கொண்டதாக தெரிவித்தார்.

மராட்டிய காங்கிரஸ் தலைவர் ராகுல் காந்தியும் நடந்து வருகிறார். எண்ணற்ற மக்கள் அதில் இணைகிறார்கள். ராமருடன் ஒப்பிட முடியாது. ஆனால் அவர்களின் பெயரின் முதல் எழுத்து அதே எழுத்தில்தான் தொடங்குகிறது. ராமரின் பெயரில் உள்ள ஆர் என்ற எழுத்தைப் போன்றே காங்கிரஸ் எம்.பி. ராகுல் காந்தியும் அப்படித்தான்.

தற்செயலாக அது ஒன்றாக உள்ளது. நாங்கள் எந்த ஒப்பீடும் செய்வதில்லை. ஆனால் பாஜக தங்கள் தலைவர்களுக்காக இந்த ஒப்பீட்டை செய்கிறது என்று நானா படோல் கூறினார்.