தமிழ்நாட்டில் இன்று ஓரிரு இடங்களில் மழை பெய்யக்கூடும்

சென்னை வானிலை ஆய்வு மையஇயக்குநர் பா.செந்தாமரைக் கண்ணன் வெளியிட்ட செய்திக் குறிப்பில் தெரிவிக்கப்பட்டுயிருப்பதாவது:

தமிழகம் நோக்கி வீசும் மேற்கு திசைக் காற்றில் நிலவும் வேக மாறுபாடு காரணமாக, தமிழ்நாடு, புதுச்சேரி மாநிலங்களில் ஆக. 20, 24, 25-ம் தேதிகளில் ஓரிரு இடங்களில் மிதமான மழை பெய்யக்கூடும்.

அதேபோன்று,வருகிற 21, 22, 23-ம் தேதிகளில்ஓரிரு இடங்களிலும் இடி, மின்னலுடன் லேசான மழை பெய்யும். சென்னை புறநகர் பகுதிகளில் அடுத்த 48 மணி நேரத்தில் வானம் ஓரளவு மேக மூட்டத்துடன் காணப்படும்.

அதைத்தொடர்ந்து சில பகுதிகளில் லேசான மழை பெய்யக் கூடும். மீனவர்களுக்கு எச்சரிக்கை: தென் தமிழக கடலோரப் பகுதிகள், மன்னார் வளைகுடா மற்றும் அதையொட்டிய குமரிக் கடல் பகுதிகளில் இன்று மணிக்கு 45 முதல் 55 கி.மீ. வேகத்திலும்,

இடையிடையே 65 கி.மீ. வேகத்திலும் சூறாவளிக் காற்று வீசக்கூடும். எனவே, இந்த பகுதிகளுக்கு மீனவர்கள் செல்ல வேண்டாம் என அந்த செய்திக்குறிப்பில் தெரிவிக்கப்பட்டு உள்ளது.