மாதந்தோறும் 100 யூனிட் மின்சாரம் இலவசம் ... ராஜஸ்தான் முதல்வர் அசோக் கெலாட் அறிவிப்பு

ராஜஸ்தான் : ராஜஸ்தானின் மக்களுக்கு மாதந்தோறும் 100 யூனிட் மின்சாரம் இலவசம் .... மாதம் 100 யூனிட்டுக்கு மேல் பயன்படுத்தும் குடும்பங்களுக்கு முதல் 100 யூனிட் மின்சாரம் இலவசமாக வழங்கப்படும். அதாவது, எவ்வளவு பில் வந்தாலும் முதல் 100 யூனிட்டுக்கு மின் கட்டணம் செலுத்த வேண்டியதில்லை என ராஜஸ்தான் முதல்வர் அசோக் கெலாட் ட்வீட் செய்துள்ளார்.

இதையடுத்து இந்த மாதத்தில் மின் கட்டணத்தில் எரிபொருள் கூடுதல் கட்டணம் குறித்து பொதுமக்களிடமிருந்து கருத்துகள் பெறப்பட்டு, அதன் அடிப்படையில் இப்பெரிய முடிவு எடுக்கப்பட்டுள்ளது என்றார். இலவச மின்சாரத் திட்டம் உட்பட 10 திட்டங்களுக்கான பதிவு செய்யப்பட்ட பணவீக்க நிவாரண முகாம்களின் போது பெறப்பட்ட கருத்துக்களின் அடிப்படையில் அசோக் கெலாட் இந்த அறிவிப்பை வெளியிட்டு உள்ளார்.

அதிலும் குறிப்பாக நடுத்தர மக்கள், மாதத்திற்கு 200 யூனிட் வரை மின்சாரம் பயன்படுத்தும் நுகர்வோர், முதல் 100 யூனிட் மின்சாரம் இலவசம், 200 யூனிட் வரை நிலையான கட்டணம், எரிபொருள் கூடுதல் கட்டணம் மற்றும் அனைத்து கட்டணங்களும் தள்ளுபடி செய்யப்படும். மாநில அரசால் செலுத்தப்படுகிறது என குறிப்பிட்டு உள்ளார்.

ராஜஸ்தானில் இந்தாண்டு இறுதியில் சட்டசபை தேர்தல் நடைபெற உள்ளது. எனவே இதனை கருத்தில் கொண்டு இந்த அசத்தலான அறிவிப்பை அம்மாநில முதல்வர் வழங்கி உள்ளார்.