PG TRB ஆசிரியர் காலிப்பணியிடங்களுக்கான தேர்வு முடிவு வெளியீடு

தமிழகம்: தமிழக அரசு இந்த வருட தொடக்கத்தில் இருந்து, அரசு துறைகளில் உள்ள காலிப்பணியிடங்களை நிரப்பும் நோக்கில் பல்வேறு வேலைவாய்ப்பு அறிவிப்புகளை வெளியிட்டு வருகிறது.

அதன்படி தமிழ்நாடு ஆசிரியர் ஆட்சேர்ப்பு வாரியம் 2020-21 ஆம் ஆண்டிற்கான முதுகலை உதவியாளர்கள் / உடற்கல்வி இயக்குநர் கிரேடு-I / கணினி பயிற்றுனர் கிரேடு-I பதவிகளுக்கான நேரடி ஆட்சேர்ப்புக்கான கணினி அடிப்படையிலான தேர்வை பிப்ரவரி 12, 2022 முதல் 20 ஆம் தேதி வரை நடத்தியது. இத்தேர்வானது 16 அமர்வுகளில் நடத்தப்பட்டது.

மேலும் TN TRB பகிர்ந்த தரவுகளின்படி மொத்தம் 2,13,859 விண்ணப்பதாரர்கள் இத்தேர்வை 17 பாடங்களில் எழுதி உள்ளனர். இந்நிலையில் TN TRB முதுகலை உதவியாளர்கள் / உடற்கல்வி இயக்குநர் கிரேடு-I / கணினி பயிற்றுவிப்பாளர் தரம்-I ஆகிய பதவிகளுக்கான, தேர்வு முடிவுகள் வெளியாகி உள்ளது.

அனைத்து பாடங்களுக்கான இறுதி முக்கிய விடைகளையும் PDF வடிவில் வெளியிட்டு உள்ளது .இந்த நிலையில் தேர்வர்கள் TN TRB இன் அதிகாரப்பூர்வ இணையதள பக்கத்தில் சென்று தேர்வு முடிவை தெரிந்து கொள்ளலாம்.

TN TRB PG Assistant முடிவை 2022 பதிவிறக்குவது எப்படி:
விண்ணப்பதாரர்கள் முதலில் TN TRB இன் அதிகாரப்பூர்வ வலைத்தளத்தைப் பார்வையிட வேண்டும்.
பின்னர் TN TRB முதுகலை உதவியாளர்கள்/ உடற்கல்வி இயக்குநர்கள் தரம்-I/ கணினி பயிற்றுனர் தரம் I முடிவு 2022க்கான இணைப்பைத் தேடவும்.
இந்த நேரத்தில் இணைப்பைக் கிளிக் செய்யவும்.