ரெப்போ வட்டி விகிதம் 6.5% ஆக தொடரும் .. ரிசர்வ் வங்கி ஆளுநர்
By: vaithegi Thu, 08 June 2023 1:13:17 PM
இந்தியா: வங்கிகளுக்கு ரிசர்வ் வங்கி வழங்கும் குறுகிய கால கடன்களுக்கான வட்டி விகிதங்களில் மாற்றமில்லை என ரிசர்வ் வங்கி அறிவித்து உள்ளது. எனவே அதன்படி, வங்கிகளின் குறுகிய கால கடனுக்கான வட்டி விகிதம் (Repo Rate) 6.5% ஆகவே தொடருகிறது என்று ரிசர்வ் வங்கி ஆளுநர் சக்திகாந்ததாஸ் அறிவித்து உள்ளார்.
இதன் விளைவாக, நிலையான வைப்புத்தொகை வசதி (SDF விகிதம்) 6.25% ஆகவும், விளிம்பு நிலை மற்றும் வங்கி விகிதங்கள் 6.75% ஆகவும் உள்ளது.நாட்டின் பணவீக்க விகிதம் கட்டுக்குள் இருப்பதால் ரெப்போ வட்டி விகிதத்தில் மாற்றம் இல்லை எனவும் பணவீக்கம் கட்டுக்குள் இருப்பதை தொடர்ந்து கவனித்து வருவதாகவும் அவர் தெரிவித்தார்.
மேலும், நடப்பு நிதியாண்டில் பணவீக்கம் விகிதம் 4%க்கு மேலாக இருக்கும் என கணிக்கப்பட்டு உள்ளது. கொரோனா தொற்றுக்கு இருந்ததை விட அதிக வேகத்தில் பொருளாதாரம் வளர்ந்து கொண்டு வருகிறது.
அனைத்து காரணிகளையும் கணக்கில் எடுத்துக்கொண்டு, 2023-24 ம் ஆண்டிற்கான CPI இன் பணவீக்கம் 5.1% ஆக இருக்கும் என்றுள்ளார். மேலும், 2000 ரூபாய் நோட்டுகள் திரும்ப பெற்று வருவதால் நாட்டில் பணப்புழக்கம் அதிகரித்து வருகிறது. நடப்பு நிதியாண்டில் பொருளாதார வளர்ச்சி விகிதம் 6.5 சதவீதமாக இருக்கும் என்றும் ரிசர்வ் வங்கி ஆளுநர் தெரிவித்து உள்ளார்.