குப்பையில்லா சாலையாக மாற்ற துப்புரவு பணியாளர்கள் ரோந்து செல்வர்

சென்னை: சென்னையில் குப்பையில்லா மண்டல திட்டத்தின் கீழ், முதற்கட்டமாக 18 சாலைகள் தேர்வு செய்யப்பட்டு, குறிப்பிட்ட இடைவெளியில் சிறிய குப்பை தொட்டிகள் அமைக்கப்படும், துப்புரவு பணியாளர்கள் ரோந்து செல்வர் என்று தெரிவிக்கப்பட்டுள்ளது.

சென்னை மாநகராட்சி பகுதிகளில் நாள் ஒன்றுக்கு சராசரியாக 5,200 மெட்ரிக் டன் திடக்கழிவுகள் சேகரிக்கப்படுகிறது. சென்னை மாநகராட்சி சார்பில் தண்டையார்பேட்டை, ராயபுரம், திரு.வி.க.நகர், அண்ணாநகர், அம்பத்தூர் மண்டலங்கள், ஊர்பேசர் சார்பில் தேனாம்பேட்டை, கோடம்பாக்கம், வளசரவாக்கம், ஆலந்தூர், அடையாறு, பெருங்குடி, சோஷிங்கநல்லூர் மண்டலங்களும், சென்னை என்விரோ நிறுவனம் சார்பில் மணலி திருவொற்றியூர், மாதவரம், அம்பத்தூர் மண்டலங்களிலும் துப்புரவுப் பணிகள் நடைபெற்று வருகின்றன.

சாலைகள் மற்றும் பொது இடங்களில் திடக்கழிவுகளை கொட்டுவதை தடுக்க மாநகராட்சி சார்பில் பல்வேறு நடவடிக்கைகள் எடுக்கப்பட்டு வருகின்றன.

இந்நிலையில், திடக்கழிவு மேலாண்மையில் அடுத்த கட்டமாக, மாநகராட்சி மூலம் குப்பையில்லா மண்டல திட்டத்தின் கீழ், முதற்கட்டமாக 18 சாலைகள் தேர்வு செய்யப்பட்டு, குறிப்பிட்ட இடைவெளியில் சிறிய குப்பை தொட்டிகள் அமைக்கப்படும், துப்புரவு பணியாளர்கள் ரோந்து செல்வர்.

சீரான இடைவெளியில் சிறிய குப்பை தொட்டிகள் கொண்ட சைக்கிள்கள், சாலைகளில் குப்பை கொட்டுபவர்களுக்கு அபராதம் விதிக்கப்படும். போன்ற நடவடிக்கைகள் மேற்கொள்ளப்பட்டு வருகின்றன. 66 கி.மீ நீளமுள்ள இந்த 18 சாலைகளில் 196 பேருந்து நிலையங்கள் குப்பைகள் இல்லாமல் சுத்தமாக பராமரிக்கப்படுகின்றன. இந்த 18 சாலைகளையும் குப்பையில்லா சாலையாக வைத்திருக்க 270 துப்புரவு பணியாளர்கள் காலை மற்றும் மாலை இரு வேளைகளிலும் சுத்தம் செய்து வருகின்றனர்.

மேலும், 222 குப்பை தொட்டிகள் அமைக்கப்பட்டு, துப்புரவு பணி மேற்கொள்ளப்பட்டு வருகிறது. 52 வாகனங்கள் மூலம் குப்பைகள் அகற்றப்பட்டு வருகின்றன. இந்நிலையில், குப்பை இல்லாத பகுதிகள் குறித்த கள ஆய்வில், சாலைகளில் குப்பைகளை கொட்டிய தனிநபர்கள் மற்றும் நிறுவனங்களுக்கு ரூ. 39,000 அபராதம் வசூலிக்கப்பட்டது.