சென்னை மெட்ரோ ரயிலில் கடந்த செப்டம்பர் மாதத்தில் இத்தனை லட்சம் பேர் பயணம்

சென்னை: கடந்த செப்டம்பர் மாதத்தில் மட்டும் 84.37 லட்சம் பேர் பயணம் செய்துள்ளதாக சென்னை மெட்ரோ ரயில் நிர்வாகம் அறிவிப்பு .. சென்னை மெட்ரோ ரயில் நிறுவனம் வெளியிட்டுள்ள அறிக்கையில் தெரிவிக்கப்பட்டுள்ளதாவது, நடப்பு அண்டு ஜனவரி மாதத்தில் 68,07,458 பயணிகளும், பிப்ரவரி மாதத்தில் 63,69282 பயணிகளும், மார்ச் மாதத்தில் 69,99,341 பயணிகளும், ஏப்ரல் மாதத்தில் 65,85,432 பயணிகளும்,

மேலும் மே மாதத்தில் 72,58,007 பயணிகளும், ஜூன் மாதத்தில் 74,05,876 பயணிகளும், ஜூலை மாதத்தில் 82,53,692 பயணிகளும், ஆகஸ்ட் மாதத்தில் 85,89,977 பயணிகளும் மற்றும் செப்டம்பர் மாதத்தில் 84,37,182 பயணிகளும் மெட்ரோ ரயில்களில் பயணம் செய்து உள்ளனர்.

செப்டம்பர் மாதத்தில் அதிகபட்சமாக 15ம் தேதி சுமார் 3 லட்சத்து 37 அயிரம் பயணிகள் பயணம் செய்துள்ளனர்.

இதனை அடுத்து செப்டம்பர் மாதத்தில் க்யுஆர் குறியீடு பயணச்சீட்டு முறையைப் பயன்படுத்தி 32,54,175 பயணிகள், பயண அட்டைகளை பயன்படுத்தி 43,63,739 பயணிகள், டோக்கன்களை பயன்படுத்தி 2,68,579 பயணிகள், குழு பயணச்சீட்டு முறையை பயன்படுத்தி 6,986 பயணிகள் மற்றும் சிங்கார சென்னை அட்டையை பயன்படுத்தி 5,43,703 பயணிகள் மெட்ரோ இரயில்களில் பயணம் செய்து உள்ளனர் என தெரிவித்துள்ளது.