அதிபர் புதினுக்காக ஆயுதம் தாங்கிய வீரர்கள் பாதுகாப்போடு சிறப்பு ரயில்

ரஷ்யா: சிறப்பு ரயில் தயார்... ஆயுதம் தாங்கிய வீரர்களின் பாதுகாப்போடு ரஷ்ய அதிபர் புதினுக்காக சிறப்பு ரயில் ஒன்று தயாராகி உள்ளது.

இதில் உடற்பயிற்சிக் கூடம், நீராவிக் குளியல், திரைப்பட அரங்கு, டிவிடி பிளேயர்கள், சுகாதார கூடம், உள்ளிட்ட ஏராளமான வசதிகள் அமைக்கப்பட்டுள்ளன.

சுமார் 60 மில்லியன் பவுண்ட் செலவில் இந்த நவீன ரயில் அதிபர் புதினுக்காக தயாராகி வருகிறது. விமானங்கள் செல்லும் பாதையை ராடார்கள் மூலமாக கண்டுபிடிப்பதைப் போல இந்த ரயில் செல்லும் பாதையை கண்டுபிடித்துவிட முடியாது.

ரயிலுக்கு எந்தவிதமான பெயரோ எண்ணோ கிடையாது என்றும், அந்த ரயில் வருவதையும் போவதையும் யாரும் கண்டுபிடித்து விட முடியாது என்றும் கூறப்படுகிறது.