ஸ்டாலின் இன்று டெல்லி பயணம் ... புதிய பாடத்திட்ட மாற்றம் ஆலோசனைக் கூட்டம் ஒத்திவைப்பு .. பொன்முடி தெரிவிப்பு

சென்னை: வேலை வாய்ப்புக்கு ஏற்ப பொறியியல் பாடத்திட்டங்களை மாற்றி அமைக்க உயர்கல்வித் துறை திட்டமிட்டது. எனவே அதன்படி, பொறியியல் பாடத்திட்டங்களை மாற்றி அமைப்பதற்காக நிபுணர் குழு அமைக்கப்பட்டது.

இதை அடுத்து அண்மையில் அண்ணா பல்கலைக்கழக துணைவேந்தர் ஆர்.வேல்ராஜ், பல்கலைக்கழக பட்டமளிப்பு விழாவில் பேசும்போது, "காலத்திற்கேற்ப மாற்றி அமைக்கப்பட்டுள்ள பொறியியல் பாடத்திட்டங்கள் விரைவில் வெளியிடப்படும்" என தெரிவித்தார்.

இந்நிலையில் பொறியியல் படிப்புகளுக்கான புதிய பாடத்திட்டத்தை இறுதி செய்வது தொடர்பாக, நாளை அண்ணா பல்கலைக்கழகத்தில் முதல் அமைச்சர் மு.க.ஸ்டாலின் தலைமையில் ஆலோசனை கூட்டம் நடைபெற இருந்தது. இந்நிலையில் முதல் அமைச்சர் முக ஸ்டாலின் இன்று டெல்லி பயணம் மேற்கொள்ள உள்ளார் .

எனவே இதன் காரணமாக அண்ணா பல்கலைக்கழகத்தில் நாளை நடைபெறவிருந்த பாடத்திட்ட மாற்றம் தொடர்பான ஆலோசனைக் கூட்டம் ஒத்திவைக்கப்பட்டுள்ளது என சென்னையில் செய்தியாளர்களை சந்தித்த அமைச்சர் பொன்முடி தெரிவித்துள்ளார் .மேலும் நாளை நடைபெறவிருந்த துணைவேந்தர்கள் கூட்டம் ஓத்த்திவைக்கப்பட்டுள்ளது ,மாற்று தேதி விரைவில் தெரிவிக்கப்படும் என அவர் தெரிவித்துள்ளார்