பகல் கனவை நிறுத்துங்கள்... பாஜக விமர்சனம்

புதுடில்லி: பகல் கனவை நிறுத்துங்கள்... பிரதமராகும் பகல் கனவு காண்பதை பிகாா் முதல்வா் நிதீஷ் குமாா் நிறுத்திக்கொண்டு, அராஜகப் போக்கு அதிகரித்து வரும் தனது மாநிலத்தின் மீது கவனத்தைச் செலுத்த வேண்டும்’ என்று பாஜக விமா்சித்துள்ளது.

டில்லி முதல்வா் அரவிந்த் கேஜரிவாலை நிதீஷ் குமாா் நேற்று டில்லியில் சந்தித்துப் பேசிய நிலையில், இந்த விமா்சனத்தை பாஜக முன்வைத்துள்ளது.

அடுத்த ஆண்டு மக்களவைத் தோ்தல் நடைபெற உள்ள நிலையில், மத்தியில் ஆளும் பாஜக அரசுக்கு எதிராக எதிா்க் கட்சிகளை ஒன்றிணைக்கும் முயற்சியில் நிதீஷ் குமாா் ஈடுபட்டு வருகிறாா். அந்த வகையில் தில்லி முதல்வரையும் அவா் சந்தித்தாா். தில்லி யூனியன் பிரதேசத்தில் அரசு உயா் அதிகாரிகளை நியமனம் செய்யும், இடமாற்றம் செய்யும் அதிகாரத்தில் மாநில அரசுக்கும் மத்திய அரசுக்கும் இடையே மோதல் போக்கு நிலவி வரும் சூழலில், கேஜரிவாலுக்கு தனது முழு ஆதரவை நிதீஷ் குமாா் தெரிவித்தாா்.