கொரோனா தடுப்பு பொருட்கள் ஏற்றுமதி தீவிரமாக கண்காணிப்பு

புதுடெல்லி: கொரோனா தடுப்பு தொடர்பான பொருட்களின் ஏற்றுமதியை தீவிரமாக கண்காணித்து வருகிறோம் என்று மத்திய அரசு தெரிவித்துள்ளது.

மத்திய அரசின் மூத்த அதிகாரி ஒருவர் நேற்று கூறியதாவது: நாடு தற்போது கொரோனா வைரஸால் பாதிக்கப்படவில்லை என்றாலும், கொரோனா தடுப்பு தொடர்பான பொருட்களின் ஏற்றுமதியை தீவிரமாக கண்காணித்து வருகிறோம்.

உள்நாட்டு தேவையை பூர்த்தி செய்ய நாம் தயாராக இருக்க வேண்டும். அதற்கான அனைத்து நடவடிக்கைகளும் எடுக்கப்பட்டு வருகிறது. பிபிஇ உடைகள், ஊசிகள், கையுறைகள், ரெம்டெசிவிர் மற்றும் பாராசிட்டமால் போன்ற மருந்துகள் தினசரி சேகரிப்பை நாங்கள் தொடங்கினோம்.

கடந்த ஆண்டு 2020 கொரோனா வைரஸை எதிர்த்துப் போராடுவதற்காக பிபிஐ உடைகள், கிருமிநாசினிகள், கையுறைகள், சோதனைக் கருவிகள், ஊசிகள், ரெம்டெசிவிர் மற்றும் பாராசிட்டமால் மாத்திரைகள் ஆகியவற்றின் ஏற்றுமதி கட்டுப்படுத்தப்பட்டுள்ளது.


சீனாவில் கொரோனா தொற்று தீவிரமானது, ஜனவரி மாதத்தில் இந்தியாவில் கொரோனா தொற்று அதிகரிக்கலாம். எனவே அடுத்த 40 நாட்கள் மிகவும் முக்கியமானவை. இந்தியாவில் மீண்டும் ஒரு கொரோனா அலையை எதிர்கொள்ள மாநிலங்கள் தயாராக இருக்க வேண்டும் என மத்திய அரசு எச்சரித்துள்ளது.

இதையடுத்து மருத்துவமனைகளின் தயார்நிலை குறித்து பிரதமர் மோடியும், மத்திய சுகாதாரத்துறை அமைச்சர் மன்சுக் மாண்டவியாவும் பலமுறை ஆலோசனைக் கூட்டங்களை நடத்தியுள்ளனர். அவர் கூறியது இதுதான்.