கொரோனா வைரஸ் பாதித்து சுமோ மல்யுத்த வீரர் பலி

சுமோ மல்யுத்த வீரர் கொரோனாவுக்கு பலி... கொரோனா வைரஸுக்கு முதல் சுமோ மல்யுத்த வீரர் பலியாகி உள்ளார். இதை ஜப்பான் சுமோ அசோசியேஷன் (ஜேஎஸ்ஏ) உறுதிபடுத்தியுள்ளது.

கடந்த மாதம் ஐந்து வீரர்களுக்கு கொரோனா வைரஸ் பாதிப்பு இருப்பது உறுதி செய்யப்பட்டது. அதில் ஒருவர் தான் இப்போது உயிரிழந்துள்ளார். பலியான சுமோ வீரரின் பெயர் ஷோபுஷி. அவரது நிஜபெயர் கியோடகா சூட்டகே. அவரது வயது 28 மட்டுமே. அவர் மூன்றாம் நிலை சுமோ வீரர் ஆவார். அவருக்கு கடந்த மாதம் கொரோனா வைரஸ் பாதிப்பு இருப்பது உறுதி செய்யப்பட்டது.

ஏப்ரல் 8ஆம் தேதி மருத்துவமனையில் அனுமதிக்கப்பட்டார். ஏப்ரல் 19 அன்று தீவிர சிகிச்சை பிரிவுக்கு அவர் மாற்றப்பட்டார். பின்னர் அவரது உறுப்புகள் ஒவ்வொன்றாக செயலிழக்கத் துவங்கின. பல உறுப்புகளும் செயலிழந்த நிலையில் அவர் உயிரிழந்தார்.

ஜேஎஸ்ஏ தலைவர் ஹக்காகு கியோடோ கூறியதாவது:
ஒரு மாதத்திற்கும் மேலாக நோயை எதிர்த்துப் போராடியது எவ்வளவு கடினமாக இருந்திருக்க வேண்டும் என்பதை என்னால் மட்டுமே கற்பனை செய்ய முடிகிறது, ஆனால் ஒரு மல்யுத்த வீரரைப் போலவே அவர் அதை தைரியமாக சகித்துக்கொண்டு நோயை இறுதிவரை எதிர்த்துப் போராடினார். அவர் இப்போது நிம்மதியாக ஓய்வெடுக்க வேண்டும் என்று நான் விரும்புகிறேன். இவ்வாறு அவர் கூறினார்.