தமிழக வணிகர் சங்கம் எதிர்ப்பு..ஜிஎஸ்டி..

தமிழ்நாடு: ஜிஎஸ்டி வரியைத் திரும்பப் பெற வேண்டும் உள்ளிட்ட பல்வேறு கோரிக்கைகளை முன்வைத்து போராட்டம் நடத்தப்போவதாக வணிகர் சங்கம் அறிவித்துள்ளது.

வணிகர் சங்கத்தின் தலைவர் விக்கிரம ராஜா பல்வேறு நிகழ்ச்சிகளில் பங்கேற்பதற்காக ஈரோடு வந்தார்.அதனைத் தொடர்ந்து செய்தியாளர்களுக்கு பேட்டி அளித்த போது அவர் கூறுகையில்,” ரிலையன்ஸ், ஜியோ, டீ மார்ட், போன்ற பெரு நிறுவனங்கள் சாமானிய வணிகர்களுக்கு கொடுத்து வரும் நெருக்கடியில் இருந்து சாமானிய வணிகர்களை மத்திய மாநில அரசுகள் பாதுகாக்க வேண்டும்.

மத்திய அரசு ஜிஎஸ்டி வரியை திரும்ப பெற வேண்டும்.மாநில அரசு செஸ் வரியை திரும்பப் பெற வலியுறுத்தி முதல்வரை சந்தித்து வணிகர் சங்கங்களின் சார்பாக முறையிட உள்ளோம்.

மதுரையில் நடக்க உள்ள ஜிஎஸ்டி கவுன்சில் கூட்டத்தை எதிர்த்து வணிகர் சங்கங்களின் சார்பாக போராட்டங்களை முன்னெடுக்க உள்ளோம். அதற்கான அறிவிப்பானது சென்னையில் வெளியிடப்பட உள்ளது. பெட்ரோல் டீசல் மீதான ஜிஎஸ்டி வரியை ரத்து செய்ய வணிகர் சங்கத்தினர் மத்திய மாநில அரசுகளிடம் வலியுறுத்தி உள்ளோம்.

கடந்த 10 ஆண்டு கால ஆட்சியில் முடக்கப்பட்டு இருந்த நலிவுற்ற வணிகர்களுக்கான உதவித் தொகை மற்றும் வணிகர் நலன் இந்த ஆட்சியில் மேம்படுத்தப்பட்டுள்ளதை வரவேற்கிறோம்” என்று விக்கிரம ராஜா கூறினார்.