முதலமைச்சர் மு.க.ஸ்டாலின் தலைமையில் இன்று முத்திரை பதிக்கும் முத்தான திட்டங்கள் குறித்து மீண்டும் ஆலோசனை

சென்னை : சென்னை தலைமை செயலகத்தில் முதலமைச்சர் மு.க.ஸ்டாலின் தலைமையில் இன்று முத்திரை பதிக்கும் முத்தான திட்டங்கள் குறித்து ஆலோசனை நடத்துகிறார். அரசின் முன்னெடுப்பு திட்டங்கள் ஆன முத்திரை பதிக்கும் முத்தான திட்டங்கள் என்கிற பெயரில் ஏற்கனவே இது போன்ற கூட்டம் 5 முறை நடைபெற்றிருக்கிறது.

இந்நிலையில் இன்று மீண்டும் 6-வது ஆய்வுக் கூட்டம் நடைபெறுகிறது. இதையடுத்து இந்த ஆலோசனைக் கூட்டத்தில் அமைச்சர்கள், பல்வேறு அரசுதுறை அதிகாரிகள் பங்கேற்கின்றனர். இதில், தமிழக அரசின் திட்டங்கள் எவ்வாறு நிறைவேற்றப்பட்டு உள்ளன,

மேலும் அனைத்து மாவட்டங்களிலும் செயல்படுத்தப்படும் திட்டங்களின் நிலைப்பாடுகள் என்ன?, விரைந்து முடிக்கப்படவேண்டிய திட்டங்கள் எவை?, பணிகளை துரிதப்படுத்துவது உள்ளிட்டவை பற்றி இக்கூட்டத்தில் ஆலோசிக்கப்படவுள்ளது.

இதற்கு முன்னதாக கடந்த ஜூன் 28-ம் தேதி நடந்த கூட்டத்தில் அரசின் திட்டங்கள் சுனாமி வேகத்தில் முடிக்கப்பட்டுள்ளதை சுட்டிக்காட்டி முதல்வர் உரையாற்றியது என்பது குறிப்பிடத்தக்கது.