பள்ளி மாணவிகளுக்கு விஷம் கொடுத்த சம்பவம்... குற்றவாளிகளுக்கு மரண தண்டனை வழங்க வலியுறுத்தல்

டெஹ்ரான்: குற்றவாளிகளுக்கு மரண தண்டனை விதிக்க வேண்டும்... பள்ளி மாணவிகளுக்கு விஷம் கொடுத்த வழக்கு மன்னிக்க முடியாதது என்றும், வேண்டுமென்றே விஷம் கொடுத்தது உறுதியானால், குற்றவாளிகளுக்கு மரண தண்டனை விதிக்க வேண்டும் என்றும் ஈரான் மத தலைவர் அயதுல்லா அலிகாமெனி கூறியுள்ளார்.

ஈரான் தலைநகர் டெஹ்ரானில் உள்ள கோம் பகுதியில் உள்ள பள்ளி மாணவிகள் கடந்த மூன்று மாதங்களாக உடல் நலக்குறைவால் பாதிக்கப்பட்டுள்ளனர். வயிற்றுவலி, தலைவலி, வாந்தி, மூச்சு விடுவதில் சிரமம் போன்றவற்றால் பாதிக்கப்பட்ட மாணவிகள் பலர் மருத்துவமனைகளில் அனுமதிக்கப்பட்டு சிகிச்சை பெற்று வருகின்றனர். மருத்துவ பரிசோதனையில் அவர்களின் உடலில் நஞ்சு இருப்பது தெரியவந்தது. ஈரானின் கல்வி அமைச்சகமும் மாணவிகள் விஷம் குடித்ததை உறுதிப்படுத்தியது. உணவு அல்லது காற்று மூலம் விஷம் கொடுக்கப்பட்டிருக்கலாம் எனத் தெரிவிக்கப்படுகிறது.

இதற்கு மத அடிப்படைவாதிகளே காரணம் என்றும், சிறுமிகள் படிக்க விடாமல் விஷம் கொடுக்கப்பட்டதாகவும் ஊடகங்களில் செய்தி வெளியானது. இதனைத் தொடர்ந்து இந்த விவகாரம் சர்வதேச அளவில் பேசப்பட்டது.

இதுகுறித்து பேசிய ஈரான் மத தலைவர் அயதுல்லா அலிகாமேனி, “மாணவிகளுக்கு விஷம் கொடுத்த விவகாரத்தில் அதிகாரிகள் தீவிர நடவடிக்கை எடுக்க வேண்டும்.மாணவிகளுக்கு வேண்டுமென்றே விஷம் கொடுத்திருந்தால், மன்னிக்க முடியாத இந்த குற்றத்தை செய்த குற்றவாளிகளுக்கு தூக்கு தண்டனை வழங்க வேண்டும் என்று தெரிவித்துள்ளார்.

முன்னதாக, டீனேஜ் சிறுமி மாஷா அமினியின் மரணத்தைத் தொடர்ந்து ஈரானில் ஹிஜாப் எதிர்ப்பு போராட்டம் சர்வதேச தலைப்பாக மாறியது. இந்நிலையில் பள்ளி மாணவிகள் விஷம் குடித்த விவகாரம் சர்ச்சையை ஏற்படுத்தியுள்ளது.