மகாவலி அதிகார சபை தனது சேவைகளை வினைத்திறனுடன் செய்யத் தவறிவிட்டது

கொழும்பு: குற்றச்சாட்டு… மகாவலி அதிகார சபை தனது சேவைகளை வினைத்திறனுடன் செய்யத் தவறியுள்ளதாக கோப் குழுவின் தலைவர் ரஞ்சித் பண்டார குற்றஞ்சுமத்தியுள்ளார்.

பொதுமக்களின் வாழ்க்கைத் தரத்தை உயர்த்துவது அதிகாரசபையின் அடிப்படை நோக்கங்களில் ஒன்றாகக் குறிப்பிடப்பட்ட போதிலும், அந்த நோக்கத்தை நிறைவேற்றுவதற்கு தவறியுள்ளதாகவும் அவர் குறிப்பிட்டுள்ளார்.

அத்துடன் மகாவலி அதிகாரசபையின் கொள்கைகளை ஆராய்ந்து, நவீனமயமாக்கலுடன் இணக்கமாக செயற்படுவது தொடர்பில் மறுசீரமைக்குமாறு கூட்டுறவுக் குழுவின் தலைவர் மகாவலி அதிகாரசபையின் பணிப்பாளர் நாயகத்திற்கு ஆலோசனை வழங்கியுள்ளார்.

மேலும், நில ஒதுக்கீடு செயற்பாட்டில் டிஜிட்டல் உட்கட்டமைப்பை வலுப்படுத்துவது தொடர்பிலும் விவரிக்கப்பட்டுள்ளது.

இந்த நிலையில் காணி பரிமாற்ற நடைமுறை தொடர்பில் இரண்டு வாரங்களுக்குள் அறிக்கை சமர்ப்பிக்குமாறும் அதிகார சபைக்கு அறிவுறுத்தப்பட்டுள்ளதாக கோப் குழுவின் தலைவர் ரஞ்சித் பண்டார மேலும் தெரிவித்துள்ளமை குறிப்பிடத்தக்கது,