- வீடு›
- செய்திகள்›
- அரசு கலை அறிவியல் கல்லூரிகளில் பட்ட படிப்புகளுக்கான தரவரிசை பட்டியல் இன்று வெளியிடப்படவுள்ளது
அரசு கலை அறிவியல் கல்லூரிகளில் பட்ட படிப்புகளுக்கான தரவரிசை பட்டியல் இன்று வெளியிடப்படவுள்ளது
By: vaithegi Thu, 25 May 2023 10:10:11 AM
சென்னை: அரசு கலை மற்றும் அறிவியல் கல்லூரிகளில் இளநிலை படிப்புகளுக்கான மாணவர் சேர்க்கை கடந்த மே 8-ஆம் தேதி தொடங்கியது. மே 8-ஆம் தேதி தொடங்கிய மாணவர் சேர்க்கையானது கடந்த 22 - ஆம் தேதியுடன் முடிவு பெற்றது. சுமார் 164 அரசு கலைக்கல்லூர்களில் 1 லட்சத்து 7,395 இடங்களுக்கு 3 லட்சம் மாணவர்கள் விண்ணப்பித்திருந்தனர்.
இந்த நிலையில் அரசு கலைக் கல்லூரியில் மாணவர்களுக்கான தரவரிசை பட்டியல் இன்று வெளியாகும் என்று தகவல் வெளியாகி உள்ளது. எனவே கல்லூரிகளிலும், ஆன்லைன் மூலமாகவும் மாணவர்கள் தரவரிசையை தெரிந்து கொள்ளலாம் .
இதையடுத்து தரவரிசை பட்டியல் தமிழ்நாட்டில் உள்ள அந்தந்த கல்லூரிகளுக்கு அனுப்பி வைக்கப்பட்டுள்ளதாகவும் கூறப்படுகிறது. 30ம் தேதி முதல் ஜூன் மாதம் 9ம் தேதி வரை முதல் கட்ட பொது கலந்தாய்வும் , அடுத்த மாதம் 12 முதல் 20-ஆம் தேதி வரை 2-ம் கட்ட பொது கலந்தாய்வு நடத்தப்பட்டு உள்ளது.
கலந்தாய்வு முடிவடைந்த பின்னர் முதலாம் ஆண்டு மாணவர்களுக்கான வகுப்புகள் தொடங்கும். முன்னதாக கலை மற்றும் அறிவியல் கல்லூரிகளில் முதலாம் ஆண்டு மாணவர்களுக்கான வகுப்புகள் அடுத்த மாதம் 22- ஆம் தேதி தொடங்கும் என்று கல்லூரி கல்வி இயக்ககம் தகவல் தெரிவித்துள்ளது.