மீண்டும் கொரோனா பரவ கட்டுப்பாடுகள் தளர்த்தப்பட்டதே காரணம்; இலங்கை மருத்துவ சங்கம் குற்றச்சாட்டு

கொரோனா தொற்று அதிகரிக்க என்ன காரணம்... பொதுக் கூட்டங்கள், பொதுப் போக்குவரத்து மற்றும் பொழுதுபோக்கு நடவடிக்கைகளில் சுகாதார மற்றும் பயணக் கட்டுப்பாடுகளை கோட்டாபய அரசு தளர்த்தியதனாலேயே நாட்டில் மீளவும் கோவிட் தொற்று அதிகரித்துள்ளதாக இலங்கை மருத்துவ சங்கம் (எஸ்.எல்.எம்.ஏ) குற்றம் சாட்டியுள்ளது.

முக்கிய நடவடிக்கைகள் போதுமான அளவில் பயன்படுத்தப்படுவது இல்லை மற்றும் அரசாங்கத்தால் கண்காணிக்கப்படுவதில்லை என்பதால், கோவிட் தொற்று முன்னர் நாடு இருந்த நிலைக்கு திரும்பி வருகிறது என்று தெரிவித்துள்ளது.

"நாட்டை ஒரு புதிய-சாதாரண நிலைமைக்கு மாற்றி அமைப்பதற்கான ஒரு பாரிய பிரசாரத்தால் அடையப்பட்டதைப் பார்ப்பது மிகவும் வருத்தமளிக்கிறது. மிகவும் துரதிர்ஷ்டவசமாக, எடுக்கப்பட்ட சில பிற்போக்குத்தனமான நடவடிக்கைகளால் இது சிக்கலானதாகத் தோன்றுகிறது.

இது முழு நாட்டையும் உலகெங்கிலும் உள்ள பல நாடுகள் எதிர்கொள்ளும் பேரழிவு நிலைக்கு இட்டுச்செல்லும் பங்களிப்பை ஏற்படுத்தக்கூடும், ”என்று அந்த அறிக்கையில் கூறப்பட்டுள்ளது.

உடல்நலம் மற்றும் பயணக் கட்டுப்பாடுகளை தளர்த்துவது மிகவும் அவசியமான கட்டுப்பாட்டு நடவடிக்கைகளை கைவிட மக்களின் மனநிலையை மாற்றுவதற்கு வழி வகுத்திருக்கலாம் என்று எஸ்.எல்.எம்.ஏ நம்புகிறது.

உடல்நலம் மற்றும் பயணக் கட்டுப்பாடுகள், மிகவும் தேவைப்படும் உடல் தூரத்தை வைத்திருத்தல், அடிக்கடி கை கழுவுதல் போன்றவை பெரும்பாலும் மறைந்து வருகின்றன, இதனால் சமூகத்தில் வைரஸ் பரவுவதற்கான ஆபத்து அதிகரிக்கும்.