11-ம் வகுப்பு தேர்வு முடிவுகள் வரும் 27-ந்தேதி வெளியீடு ..அரசு தேர்வுகள் இயக்ககம்
By: vaithegi Sat, 25 June 2022 10:24:42 AM
சென்னை: தமிழகம் மற்றும் புதுச்சேரியில் 2021-22-ம் கல்வியாண்டுக்கான 11-ம் வகுப்பு பொதுத்தேர்வு கடந்த மே மாதம் நடத்தப்பட்டது. இத்தேர்வை 8 லட்சத்துக்கு மேற்பட்டோர் எழுதினார்கள்.
இந்த பொதுத்தேர்வு முடிவுகள் நாளை மறுநாள் (திங்கட்கிழமை) - 27-ந்தேதி வெளியிடப்பட இருப்பதாக தேர்வுத் துறை அறிவித்துள்ளது.
11-ம் வகுப்பு பொதுத்தேர்வு முடிவுகள் 27-ந்தேதி (நாளை மறுநாள்) காலை 10 மணிக்கு www.tnresults.nic.in, www.dge.tn.gov.in என்ற இணையதளங்களில் வெளியிடப்பட உள்ளது.
தேர்வர்கள் இந்த இணையதளங்களில் தங்களுடைய பதிவெண் மற்றும் பிறந்த தேதி போன்றவற்றை பதிவு செய்து தேர்வு முடிவுகளை அறிந்து கொள்ளலாம்.
பள்ளி மாணவ-மாணவிகள் பள்ளிகளில் சமர்ப்பித்த உறுதிமொழி படிவத்தில் குறிப்பிட்டுள்ள செல்போன் எண்ணுக்கும், தனித்தேர்வர்கள் ஆன்லைன் விண்ணப்பப்பதிவில் குறிப்பிட்ட செல்போன் எண்ணுக்கும் குறுஞ்செய்தி வாயிலாக தேர்வு முடிவுகள் அனுப்பப்படும் என அரசு தேர்வுகள் இயக்ககம் அறிவித்துள்ளது.
