இஸ்ரேலுக்கான விமானங்கள் இடைநிறுத்தம் வருகிற 18ம் தேதி வரை தொடருமாம்

இந்தியா: இஸ்ரேலுக்கும் ஹமாஸுக்கும் இடையே நடந்து வரும் மோதலுக்கு மத்தியில், ஏர் இந்தியா டெல் அவிவ் மற்றும் அங்கிருந்து புறப்பட திட்டமிடப்பட்ட விமானங்களின் இடைநிறுத்தத்தை வருகிற அக்டோபர் 18 வரை நீட்டித்து உள்ளது.

இதனை அடுத்து வழக்கமாக டெல் அவிவ் நகருக்கு 5 வார திட்டமிடப்பட்ட விமானங்களை இயக்கும் முழு சேவை, முன்னதாக வருகிற அக்டோபர் 14 வரை சேவைகள் நிறுத்தி வைக்கப்பட்டிருந்தது. தற்பொழுது, இந்த இடைநிறுத்தம் இந்த மாதம் 18-ம் தேதி வரை தொடரும் என்று தெரிவிக்கப்பட்டுள்ளது.

மேலும், தேவைகளைப் பொறுத்து இந்தியர்களை திரும்ப அழைத்து வர, பட்டய விமானங்களை இயக்கும் என்று ஏர் இந்தியா அதிகாரி ஒருவர் தெரிவித்துள்ளார். பொதுவாக, ஏர் இந்தியா விமானங்கள் இஸ்ரேலுக்கு திங்கள், செவ்வாய், வியாழன், சனி மற்றும் ஞாயிறு ஆகிய நாட்களில் இயக்கப்படும்.

போர் தொடங்கிய பிறகு, இஸ்ரேலிலிருந்து திரும்ப விரும்பும் இந்தியர்களை அழைத்து வருவதற்காக அரசாங்கம் தொடங்கி உள்ள ஆபரேஷன் அஜய்யின் கீழ், விமான நிறுவனம் இதுவரை 2 விமானங்களை இயக்கியுள்ளது.