இங்கு நாளை பள்ளிகளுக்கு விடுமுறை .. இது தான் காரணம்
By: vaithegi Fri, 02 Dec 2022 7:45:58 PM
புது டெல்லி : அரசு பள்ளிகளுக்கு விடுமுறை ... மாநகராட்சி தேர்தல் நடக்க உள்ள நிலையில் நாளை (டிசம்பர் 3-ம் )தேதி அனைத்து அரசு பள்ளிகளுக்கும் விடுமுறை அளித்து கல்வி இயக்குனரகம் அறிக்கை ஒன்றை வெளியிட்டுள்ளது.டெல்லி மாநகராட்சிக்கான தேர்தல் வாக்குப்பதிவு டிசம்பர் 3ம் தேதியான நாளை நடத்தப்பட உள்ளது.
இதனால் அரசு பள்ளிகளில் வாக்குச்சாவடிகள் அமைக்கப்படுகின்றது. இதையடுத்து தேர்தல் பணிகள் காரணமாக டிசம்பர் 3- ம் தேதி சனிக்கிழமை அன்று அனைத்து அரசு பள்ளிகளுக்கும் விடுமுறை அளிக்க உத்தரவிட்டு டெல்லி கல்வி இயக்குனரகம் பள்ளி தலைவர்கள், அதிகாரிகளுக்கு அறிக்கை வெளியிட்டுள்ளது.
இதையடுத்து சனிக்கிழமையான நாளை பள்ளிகளுக்கு விடுமுறை அளிப்பதால், இதனை ஈடுசெய்ய 10.12.2022 அதாவது 2 - வது சனிக்கிழமை அன்று பள்ளிகள் செயல்படும் என தகவல் தெரிவிக்கப்பட்டுள்ளது.
மேலும், இதேபோன்று வெளிநாட்டு மருத்துவ பட்டதாரிகளுக்கான தேர்வு (FMGE) டிசம்பர் 2ம் தேதியான இன்று அறிவித்திருந்த நிலையில் அதனை ஜனவரி 20, 2023 அன்று மாற்றியமைத்துள்ளது.