ரூ.2 ஆயிரம் நோட்டை மாற்ற இன்றுடன் கடைசி நாள்... அவகாசம் நீட்டிக்கப்படுமா?
By: Nagaraj Sat, 30 Sept 2023 4:42:04 PM
புதுடில்லி: கால அவகாசம் நீட்டிக்கப்படுமா?... 2 ஆயிரம் ரூபாயை மாற்றுவதற்கான தேதி இன்றுடன் முடிவடையும் நிலையில், அதற்கான காலக்கெடு நீட்டிக்கப்படலாம் எனத் தகவல்கள் வெளியாகி உள்ளன.
நடப்பில் உள்ள 2 ஆயிரம் ரூபாய் நோட்டுக்களை வங்கிகளில் கொடுத்து மாற்றிக் கொள்ளலாம் என கடந்த மே மாதம் ரிசர்வ் வங்கி அறிவித்தது.
3 லட்சத்து 32 ஆயிரம் கோடி அளவில் புழக்கத்தில் உள்ள 2 ஆயிரம் ரூபாய் நோட்டுக்களில் 93 சதவீத பணம் திரும்ப வந்து விட்டதாக இந்த மாதத் தொடக்கத்தில் கூறப்பட்டிருந்தது.
இதனிடையே ரூபாய் நோட்டுக்களை மாற்றிக் கொள்ள இன்றே கடைசி நாளாக அறிவிக்கப்பட்டிருந்த நிலையில் இந்தத் தேதி நீட்டிக்கப்படலாம் எனத் தகவல்கள் வெளியாகி உள்ளன.
Tags :