இந்தியாவின் இன்றைய கொரோனா தொற்று பாதிப்பு

இந்தியா: இந்தியாவில் இன்று 6,904 பேருக்கு கொரோனா தொற்று உறுதி .... இந்தியாவில் சமீப நாட்களாக கொரோன பாதிப்பு அதிகரித்து வந்த நிலையில், இதனை கட்டுப்படுத்த மத்திய மாநில அரசுகள் தரப்பில் கொரோனா தடுப்பு நடவடிக்கைகள் மேற்கொள்ளப்பட்டு வருகிறது.

இதனை அடுத்து கொரோனா தடுப்பு நடவடிக்கைகளான முகக்கவசம் அணிதல், சமூக இடைவெளியை பின்பற்றுதல் உள்ளிட்ட நடவடிக்கைளை பொதுமக்கள்கடைபிடிக்க வேண்டும் என்று அறிவுறுத்தப்பட்டுள்ளது.

இந்நிலையில், இந்தியாவில் நேற்று 10,112 பேருக்கு கொரோனா தொற்று உறுதி செய்யப்பட்ட நிலையில், இன்று 6,904 பேருக்கு கொரோனா தொற்று உறுதி செய்யப்பட்டுள்ளது. இது நேற்றைய பாதிப்பை விட குறைவாகும். அதைதொடர்ந்து நாடு முழுவதும் கொரோனாவால் பாதிக்கப்பட்டவர்களின் எண்ணிக்கை, 4,48,98,893 ஆக அதிகரித்துள்ளது.

மேலும் கொரோனாவுக்கு சிகிச்சை பெறுவோர் எண்ணிக்கை, 67,806-லிருந்து 65,683-ஆக குறைந்துள்ளது. இந்தியாவில் கடந்த 24 மணி நேரத்தில் மட்டும், 16 பேர் உயிரிழந்த நிலையில், உயிரிழந்தோர் எண்ணிக்கை 5,31,345-ஆக அதிகரித்துள்ளது.