உலகளவில் மீண்டும் சோதனையை புதிதாக தொடங்க உள்ளோம் - அஸ்ட்ராஜெனகா நிறுவனம்

அஸ்ட்ராஜெனெகா மற்றும் ஆக்ஸ்போர்டு பல்கலைக்கழகம் உருவாக்கிய விலை மலிவான, சுலபமாக தயாரிக்கக்கூடிய கொரோனா வைரஸ் தடுப்பூசி 90 சதவீதம் வரை பயனுள்ளதாக இருக்கும் என சில நாட்களுக்கு முன் அறிவிக்கப்பட்டது. ஆக்ஸ்போர்டு பல்கலைக்கழகம் கோவிட் தடுப்பூசிகள் "மிகவும் பயனுள்ளவை" எனக்கூறிய சில நாட்களுக்குப் பிறகு, அஸ்ட்ராஜெனெகா மற்றும் ஆக்ஸ்போர்டு பல்கலைக்கழகம் கொரோனா தடுப்பூசியில் ஏற்பட்டுள்ள உற்பத்தி பிழையை ஒப்புக் கொண்டுள்ளன.

இது அவர்களின் சோதனை கொரோனா தடுப்பூசியின் ஆரம்ப முடிவுகள் குறித்த கேள்விகளை எழுப்புகிறது. சராசரியாக கொரோனாவைத் தடுப்பதில், அதன் மருத்துவ பரிசோதனைகள் இங்கிலாந்து மற்றும் பிரேசிலில் நடத்தப்பட்டன. அஸ்ட்ராஜெனெகா கூறுகையில், ஆச்சரியமாக இரண்டு முழு டோஸ்களை பெற்ற தன்னார்வலர்களைக் காட்டிலும் குறைந்த டோஸ்களை பெற்ற தன்னார்வலர்களின் குழு மிகவும் பாதுகாப்பாக இருப்பதாக தோன்றியது. குறைந்த டோஸ்கள் பெற்ற குழுவில் தடுப்பூசி 90 சதவீதம் பயனுள்ளதாக இருந்தது. இரண்டு முழு டோஸ்களை பெற்ற குழுவில் தடுப்பூசி 62 சதவீதம் பயனுள்ளதாக இருந்தது என கூறியது.

இந்நிலையில் இதுகுறித்த கேள்வி என்னவென்றால், தடுப்பூசியின் செயல்திறனில் வெவ்வேறு டோஸ்களில் ஏன் இவ்வளவு பெரிய மாறுபாடு இருந்தது, மேலும் ஒரு சிறிய டோஸ் ஏன் சிறந்த முடிவுகளைத் தோற்றுவித்தது? அஸ்ட்ராஜெனெகா மற்றும் ஆக்ஸ்போர்டு ஆராய்ச்சியாளர்கள் தங்களுக்குத் தெரியாது என்று கூறினர். அஸ்ட்ராஜெனெகாவின் செய்தித் தொடர்பாளர் மைக்கேல் மீக்செல் கூறுகையில், சோதனைகள் மிக உயர்ந்த தரத்திற்கு நடத்தப்பட்டன என்றார்.

புளோரிடா பல்கலைக்கழகத்தின் உயிரியல் ஆய்வாளரும் தடுப்பூசி சோதனை வடிவமைப்பில் நிபுணருமான நடாலி டீன் கூறுகையில், அஸ்ட்ராஜெனெகா மற்றும் ஆக்ஸ்போர்டு தடுப்பூசி சோதனை முடிவுகளுக்கு வரும்போது வெளிப்படைத் தன்மைக்கு ஒரு மோசமான தரத்தைப் பெறுகின்றன என்று கூறினார். இந்நிலையில் அஸ்ட்ராஜெனகா நிறுவனத்தின் தலைமை செயலதிகாரி பாஸ்கல் சோரியட், தடுப்பூசி குறித்து சர்ச்சை கிளம்பியுள்ள நிலையில், உலகளவில் மீண்டும் சோதனையை புதிதாக தொடங்கவிருப்பதாக தெரிவித்துள்ளார்.