நாங்கள் பாஜகவை போல் வெறுப்புணர்வு கொண்டவர்கள் அல்ல... பிரியங்கா காந்தி குற்றச்சாட்டு

டெல்லி: நாங்கள் பாஜகவைப் போல வெறுப்புணர்வைக் கொண்டவர்கள் அல்ல என்று பிரியங்கா காந்தி தெரிவித்தார்.

காங்கிரஸ் எம்பி ராகுல் காந்தியை தகுதி நீக்கம் செய்ததைக் கண்டித்து பிரியங்கா காந்தி தலைமையில் காங்கிரஸ் உறுப்பினர்கள் போராட்டம் நடத்தினர். காங்கிரஸ் கட்சி முன்னாள் தலைவரும், எம்.பி.யுமான ராகுல் காந்தி 4 ஆண்டுகளுக்கு முன்பு ஒரு கூட்டத்தில் பேசியபோது, பிரதமர் நரேந்திர மோடி மற்றும் மோடி சமூகம் குறித்து அவர் கூறிய கருத்து பெரும் சர்ச்சையை ஏற்படுத்தியது.

இந்நிலையில், குஜராத் உயர் நீதிமன்றத்தின் தீர்ப்பு சமீபத்தில் அறிவிக்கப்பட்டது. இதில் ராகுல் காந்திக்கு 2 ஆண்டுகள் சிறை தண்டனை விதிக்கப்பட்டதால், அவர் நாடாளுமன்ற எம்பி பதவியில் இருந்து தகுதி நீக்கம் செய்யப்பட்டு, 8 ஆண்டுகள் தேர்தலில் போட்டியிட தடை விதிக்கப்பட்டது. இந்த சம்பவம் பெரும் அதிர்ச்சியை ஏற்படுத்தியுள்ளது.

இதை கண்டித்து காங்கிரஸ் கட்சியினர் பல்வேறு பகுதிகளில் போராட்டம் நடத்தி வருகின்றனர். டெல்லியில் காங்கிரஸ் பொதுச் செயலாளர் பிரியங்கா காந்தி தலைமையில் சத்தியாகிரகப் போராட்டம் நடந்தது.

அதில் பேசிய பிரியங்கா காந்தி, “நாடாளுமன்றத்தில் பிரதமர் மோடியை கட்டிப்பிடித்து உங்கள் மீது எங்களுக்கு எந்த வெறுப்பும் இல்லை என்று கூறியவர் எனது சகோதரர்” என்றார். ஆனால் அவர் மீது பாஜகவுக்கும் எங்களுக்கும் கொள்கையில் மட்டுமே வேறுபாடு உள்ளது. நாங்கள் பாஜகவைப் போல வெறுப்புணர்வைக் கொண்டவர்கள் அல்ல,” என்றார்.