மேற்கு வங்கம் முதலிடத்தைப் பிடித்துள்ளது ... முதல்வர் மம்தா பானர்ஜி பெருமிதம்

கொல்கத்தா: மத்திய அரசின் நிதியுதவியின்றி மாநில அரசின் உதவியுடன் மகாத்மா காந்தி ஊரக வேலைவாய்ப்புத் திட்டத்தில் மேற்கு வங்கம் முதலிடத்தைப் பிடித்துள்ளது என்று மேற்கு வங்க முதல்வர் மம்தா பானர்ஜி தெரிவித்தார்.

கொல்கத்தா நகரில் பொதுக்கூட்டத்தில் உரையாற்றினார், அங்கு அவர் பேசுகையில், பலர் அரசாங்க நிறுவனங்களுக்கு பயந்து ஓடுகிறார்கள். ஆனால் நாங்கள் ஓட மாட்டோம். உங்களால் முடிந்ததைச் செய்யுங்கள். எங்களிடம் உள்ள அனைத்தையும் எடுத்துக் கொள்ளுங்கள்.

ஆனால் நாட்டை விற்காதீர்கள். எங்களுக்கு பின்னால் ஏஜென்சிகளை அனுப்பி சரிபார்க்கவும். ஆனால் நாடு ஒற்றுமையாக இருக்கட்டும். அரசியலமைப்பு விதிகளை மீறுவது பொது விதிகளை மீறுவதாகும் என்றார்.

மேற்கு வங்க மாநிலம் முர்ஷிதாபாத் மாவட்டத்தில் உள்ள சாகர்தீகி நகரில் அண்மையில் நடைபெற்ற நிர்வாக ஆய்வுக் கூட்டத்தில் மம்தா பானர்ஜி பேசுகையில், மத்திய அரசின் நிதியுதவியின்றி மாநில அரசின் உதவியுடன் மகாத்மா காந்தி ஊரக வேலைவாய்ப்புத் திட்டத்தில் மேற்கு வங்கம் முதலிடத்தைப் பிடித்துள்ளது என்றார்.

மத்திய அரசின் எந்த உதவியும் இல்லாமல் நாங்கள் இதைச் செய்கிறோம். மத்திய அரசு எங்களுக்கு ரூ.6 ஆயிரம் கோடி வழங்க வேண்டும். ஆனால், நிதி விடுவிக்கப்படவில்லை. இந்த விஷயம் தொடர்பில் பல தடவைகள் பேசியும் பலனளிக்கவில்லை என வேதனையுடன் சுட்டிக்காட்டியுள்ளார்.

இந்த ஒதுக்கப்பட்ட நிதி மத்திய அரசின் தனிப்பட்ட நிதி அல்ல. மாநிலத்தில் வாழும் தொழிலாளர்கள் மற்றும் ஏழை மக்களுக்கு உரிமையான நிதி ஆகும். பாஜக ஆளும் மாநிலங்களுக்கு மட்டுமே இந்த நிதி கிடைக்கிறது என்று மத்திய அரசை விமர்சித்தார்.