தமிழகத்தில் பரவி வரும் காய்ச்சல் காரணமாக பள்ளிகளுக்கு விடுமுறை அளிக்கப்படுமா? மா.சுப்பிரமணியன் விளக்கம்

சென்னை: பள்ளிகளுக்கு விடுமுறை அளிக்கப்படுமா என்பது குறித்து தமிழக சுகாதாரத்துறை அமைச்சர் மா.சுப்பிரமணிய விளக்கம் ... தமிழகம் முழுவதும் இன்று 50,000 இடங்களில் 37வது மெகா தடுப்பூசி முகாம் நடைபெற்று வருகிறது.

தமிழகம் முழுவதும் உள்ள ஆரம்ப சுகாதார நிலையங்கள், அரசு மருத்துவமனைகள், அங்கன்வாடி மையங்கள், சத்துணவு மையங்கள், பள்ளிகள் மற்றும் முக்கிய இடங்களில் தடுப்பூசி முகாம்கள் நடத்தப்பட்டு வருகின்றன.

இதனை அடுத்து இந்த நிலையில், தடுப்பூசி முகாம் குறித்து செய்தியாளர்களை சந்தித்த அமைச்சர் மா.சுப்பிரமணியன் கூறியதாவது: ஒவ்வொரு வாரமும் தொடர்ச்சியாக தடுப்பூசி முகாம் நடைபெற்று வருகிறது.மொத்தமாக 5.37 கோடி தடுப்பூசிகள் இதுவரை செலுத்தப்பட்டுள்ளது,தகுதியுள்ள அனைவரும் கொரோனா பூஸ்டர் தடுப்பூசி போட்டுக்கொள்ள வேண்டும்.

மேலும் அக்டோபர் மாதம் முதல் ஒவ்வொரு பள்ளிக்கும் சென்று தடுப்பூசி செலுத்தப்படும். காய்ச்சல் காரணமாக பள்ளிகளுக்கு விடுமுறை அளிக்கும் சூழல் தற்போது இல்லை.இதையடுத்து தொடர்ச்சியாக பள்ளிகளுக்கு விடுமுறை அளித்தால், குழந்தைகளின் கல்வி பாதிக்கப்படும் என அமைச்சர் மா.சுப்பிரமணியன் கூறினார்.