வாரத்தில் 4 நாள்தான் வேலை... பல நாடுகள் அமல்படுத்த திட்டம்

லண்டன்: 4 நாட்கள் வேலை... வாரத்தில் 4 நாள் வேலை திட்டத்தை அமல்படுத்த பல நாடுகள் முயற்சித்து வருகின்றன.5 நாள் வேலை வார முறை சோர்வை ஏற்படுத்துவதாகவும் அதனால், வாரம் 4 நாள் வேலை திட்டத்தை அமல்படுத்த வலியுறுத்தப்பட்டது.

4 நாள் வேலை வாரத் திட்டம் இங்கிலாந்தில் ஒரு சோதனையாக செயல்படுத்தப்பட்டது. 100 நிறுவனங்கள் இத்திட்டத்திற்கு ஒப்புதல் அளித்துள்ளன. இந்தத் திட்டத்தின் மூலம் சம்பளம் அல்லது சலுகைகள் எதுவும் குறைக்கப்படாது என்று தெரிவிக்கப்பட்டுள்ளது.

இங்கிலாந்து இந்த திட்டத்தை பெரிய அளவில் செயல்படுத்தியது. கடந்த ஆண்டு ஜூன் மாதம் தொடங்கிய இந்த சோதனையில் சுமார் 2,900 ஊழியர்கள் பங்கேற்றனர். அவர்கள் 4 நாட்களில் சராசரியாக 34 மணிநேரம் வேலை செய்தனர்.

இந்த நிலையில் பெரும்பாலான நிறுவன உரிமையாளர்கள் இங்கிலாந்தில் 4 நாள் வேலை வாரம் திட்டத்தை ஏற்றுக்கொண்டுள்ளனர். சோதனை செய்த 61 நிறுவனங்களில், 92 சதவீத நிறுவனங்கள் இந்தத் திட்டத்தைத் தொடர விருப்பம் தெரிவித்துள்ளன.

இதன் மூலம் இங்கிலாந்தில் வாரம் 4 நாட்கள் வேலை திட்டம் வெற்றி பெற்றுள்ளது. இந்த திட்டம் சிறந்த வேலை-வாழ்க்கை சமநிலையை விளைவித்துள்ளதாக நிறுவனங்களின் உரிமையாளர்கள் தெரிவித்தனர்.