முதுநிலை கல்வியியல் பட்டப் படிப்புக்கு இந்த தேதி முதல் விண்ணப்பிக்கலாம்

சென்னை: தமிழ்நாடு அரசு கல்வியியல் கல்லூரிகளில் முதுநிலை கல்வியியல் படிப்புகளுக்கு வருகிற 25ம் தேதி முதல் விண்ணப்பிக்கலாம் ...கல்லூரி கல்வி இயக்ககம் வெளியிட்டுள்ள அறிவிப்பில் தெரிவிக்கப்பட்டுள்ளதாவது,

தமிழகத்தில் உள்ள அரசுகல்வியியல் கல்லூரிகளில் முதுநிலை கல்வியியல் பட்டப்படிப்பு (எம்.எட்.) முதலாமாண்டு மாணாக்கர் சேர்க்கைக்கான (2023- 2024) விண்ணப்பங்களை www.tngasa.in என்ற இணையதள முகவரியில் பதிவு செய்யலாம்.விண்ணப்பம் பதிவு செய்ய ஒவ்வொரு கல்லூரிக்கும், விண்ணப்பக் கட்டணம் ரூ.58 மற்றும் விண்ணப்ப பதிவுக் கட்டணம் ரூ.2/- மொத்தம் ரூ.60/. (ரூபாய் 60 மட்டும்) செலுத்தப்படவேண்டும். SC/SCA/ ST விண்ணப்பதாரர்கள் விண்ணப்ப பதிவுக்கட்டணம் ரூ.2/- (ரூபாய் 2 மட்டும்) செலுத்தினால் போதுமானது. மாணாக்கர்கள் விண்ணப்பிக்கும் போது தங்களது விருப்ப வரிசைப்படி கல்லூரிகளைத் தெரிவு செய்தல் வேண்டும்.

இதனை அடுத்து இது தொடர்பான கூடுதல் விவரங்கள் www.tngasa.in என்ற இணையதள முகவரியில் தெரிவிக்கப்படும். விண்ணப்பக் கட்டணம் மற்றும் பதிவுக் கட்டணத்தை விண்ணப்பதாரர்கள் Debit Card / Credit Card / Net Banking / UPI மூலம் இணையதள வாயிலாக செலுத்தலாம். இணையதள வாயிலாகக் கட்டணம் செலுத்த இயலாத மாணாக்கர்கள் கல்லூரி சேர்க்கை உதவி மையங்களில் The Director. Directorate of Collegiate Education, Chennai - 15" என்ற பெயரில் 25.09.2023 அன்று அல்லது அதற்குப் பின் பெற்ற வங்கி வரைவோலை மூலமாகவும் அல்லது நேரடியாகவும் செலுத்தலாம்.

எனவே மாணாக்கர் சேர்க்கை வழிகாட்டி மற்றும் கால அட்டவணையை மாணாக்கர்கள் மேற்குறித்த இணையதளம் வாயிலாக அறிந்துகொள்ளலாம். இணையதள வாயிலாக விண்ணப்ப பதிவு துவங்கும் நாள் வருகிற 25.09.2023. இணையதள வாயிலாக விண்ணப்பம் பதிவு செய்ய இறுதி நாள் 30.09.2023 என அதில் தெரிவிக்கப்பட்டு உள்ளது.