இங்கிலாந்தின் சிறந்த ஆல்-ரவுண்டரான பென் ஸ்டோக்ஸ் ராஜஸ்தான் ராயல்ஸ் அணியில் விரைவில் இணைவார்

இங்கிலாந்து அணியின் சிறந்த வேகப்பந்து வீச்சு ஆல்-ரவுண்டரான பென் ஸ்டோக்ஸ் தந்தை நியூசிலாந்தில் உள்ளார். கடந்த ஒரு மாதத்திற்கு முன்பு திடீரென பென் ஸ்டோக்ஸ் நியூசிலாந்து புறப்பட்டுச் சென்றார். இதன் காரணமாக, இங்கிலாந்துக்கு எதிரான ஒயிட்-பால் கிரிக்கெட் தொடரில் அவர் பங்கேற்கவில்லை. நியூசிலாந்து சென்றுள்ள பென் ஸ்டோக்ஸ் ஐபிஎல் தொடர் தொடங்கியபோது ஐக்கிய அரபு அமீரகம் திரும்பவில்லை.

பென் ஸ்டோக்ஸ் ஐபிஎல் முதல்பாதி தொடரில் விளையாடுவது சந்தேகம் எனக் தெரிவிக்கப்பட்டது. இருப்பினும், ராஜஸ்தான் ராயல்ஸ் அணியும் அவரைப் பற்றி பெரிதாக கவலைப்படவில்லை. அந்த அணியின் ஆலோசகராக நியமிக்கப்பட்டிருக்கும் ஷேன் வார்னே, எப்படியும் இந்த வருட ஐபிஎல் தொடரில் பென் ஸ்டோக்ஸ் விளையாடுவார் என்ற நம்பிக்கை உள்ளது. என்று கூறினார்.

ஐபிஎல் தொடரில் பென் ஸ்டோக்ஸ் மிகப்பெரிய இழப்பு. எங்களுடைய நினைப்பு அவருடன் இருக்கிறது. பென் ஸ்டோன்ஸ் அணியில் இருந்தால் மிகவும் வலுவான அணியாக தோன்றும் என ஷேன் வார்னே தெரிவித்தார். தற்போது, நியூசிலாந்தில் இருந்து பென் ஸ்டோக்ஸ் புறப்பட்டுவிட்டதாக ராஜஸ்தான் ராயல்ஸ் அணி தெரிவித்துள்ளது.

பென் ஸ்டோக்ஸ் இன்று அல்லது நாளை ஐக்கிய அரபு அமீரகம் வந்தடைவார். பின்னர் ஒரு வார கோரன்டைனுக்குப்பின் அணியில் இணைவார். பென் ஸ்டோக்ஸ் அணிக்கு திரும்புவது உறுதியாகிவிட்டதால், தற்போது ராஜஸ்தான் ராயல்ஸ் அணி வீரர்கள் மகிழ்ச்சியில் உள்ளனர்.