இன்னும் 2 சிக்ஸர் அடித்தால் முதலிடம் பிடிப்பார் ரோஹித் சர்மா

புதுடில்லி: இன்னும் 2 சிக்ஸர்தான் பாக்கி... இந்திய அணியின் கேப்டன் ரோஹித் சர்மா இன்னும் 2 சிக்ஸர்கள் அடித்தால் சர்வதேச டி20 போட்டிகளில் அதிக சிக்ஸர்கள் அடித்தவர் பட்டியலில் முதலிடம் பிடிக்க உள்ளார்.


உலகக் கோப்பைக்கு முன்பு இந்திய அணி ஆஸி., தென்னாப்பிரிக்க அணியுடன் டி20 போட்டிகள் விளையாட உள்ளது. இந்திய அணியுடன் ஆஸி. அணி நாளை முதல் (செப்.20) டி20 தொடர் ஆரம்பமாகிறது.


தற்போது, நியூசிலாந்து வீரர் மார்டி கப்டில் 172 சிக்ஸர்களுடன் சர்வதேச டி20 போட்டிகளில் முதலிடத்தில் இருக்கிறார். ரோஹித் சர்மா 171 சிக்ஸர்களுடன் இரண்டாமிடத்தில் இருக்கிறார்.

2022ஆம் ஆண்டு டி20 போட்டிகளில் ரோஹித் சர்மா 17 ஆட்டங்களில் 423 ரன்கள் எடுத்துள்ளார். இதில் 2 அரைசதங்கள் அடங்கும். ஸ்டிரைக் ரேட் 143.38. இந்த வருடத்தில் மட்டும் 21 சிக்ஸர்கள் அடித்துள்ளார் என்பது குறிப்பிட்டத்தக்கது.


சர்வதேச டி20 போட்டிகளில் அதிக சிக்ஸர்கள் அடித்தவர்கள் பட்டியல்: மார்டின் கப்டில் -172 , ரோஹித் சர்மா – 171, கிறிஸ் கெயில் – 124, இயான் மோர்கன்- 120, ஆரோன் பின்ச் – 117.