டெல்லி அணியை 5 விக்கெட் வித்தியாசத்தில் வீழ்த்தி மும்பை அணி வெற்றி

மும்பை இந்தியன்ஸ் - டெல்லி கேப்பிட்டல்ஸ் அணிகளுக்கு இடையிலான ஆட்டம் நேற்று அபு தாபியில் இரவு 7.30 மணிக்கு நடைபெற்றது. இதில் டாஸ் வென்ற டெல்லி அணி பேட்டிங் தேர்வு செய்தது. அதன்பின் முதலில் களமிறங்கிய பிரித்வி ஷா 4 ரன்னிலும், ரகானே 15 ரன்னிலும் அவுட்டாகினர். 3-வது விக்கெட்டுக்கு தவான் உடன் ஷ்ரேயாஸ் அய்யர் ஜோடி சேர்ந்தார். இந்த ஜோடி ரன் விகிதத்தை கூட்டியது.

ஷ்ரேயஸ் அய்யர் 42 ரன் எடுத்து ஆட்டமிழந்தார். ஸ்டாய்னிஸ் 13 ரன்னில் ஆட்டமிழந்தார். தவான் கடைசி வரை ஆட்டமிழக்காமல் 52 பந்தில் 69 ரன்கள் அடிக்க இறுதியில், டெல்லி கேப்பிட்டல்ஸ் 4 விக்கெட் இழப்பிற்கு 162 ரன்கள் எடுத்துள்ளது.

பின்னர், 163 ரன்கள் எடுத்தால் வெற்றி என்ற இலக்குடன் மும்பை அணி களமிறங்கியது. ரோகித் சர்மா 5 ரன்னில் அவுட்டாகி அதிர்ச்சி அளித்தார். டி காக்கும், சூர்யகுமார் யாதவும் அதிரடியாக ஆடினர். இருவரும் அரை சதமடித்து அசத்தினர். இருவரும் 53 ரன்களில் வெளியேறினர்.

இறுதியில் மும்பை அணி 5 விக்கெட்டுக்கு 166 ரன் எடுத்து வெற்றி பெற்றது. குருணால் பாண்ட்யா 12 ரன்னும், பொல்லார்டு 11ரன்னும் எடுத்து ஆட்டமிழக்காமல் உள்ளனர். இந்த வெற்றி மூலம் மும்பை அணி புள்ளிப் பட்டியலில் முதலிடம் பிடித்துள்ளது. இது டெல்லி அணியின் இரண்டாவது தோல்வியாகும்.