- வீடு›
- விளையாட்டு›
- ஐபிஎல் போட்டியில் டெல்லி அணியை வீழ்த்தியது மும்பை அணி
ஐபிஎல் போட்டியில் டெல்லி அணியை வீழ்த்தியது மும்பை அணி
By: Nagaraj Mon, 12 Oct 2020 10:04:18 AM
டெல்லி அணியை வீழ்த்தி புள்ளி பட்டியலில் முதலிடத்தை பிடித்து அசத்தியுள்ளது மும்பை அணி.
13-வது ஐபிஎல் கிரக்கெட் தொடரில் நேற்று இரவு நடைபெற்ற 27-வது லீக் ஆட்டத்தில் மும்பை இந்தியன்ஸ் - டெல்லி கேப்பிட்டல்ஸ் அணிகள் மோதின. அபுதுபாயில் நடைபெற்ற இந்த போட்டியில் டாஸ் வென்ற டெல்லி அணி முதலில் பேட்டிங் செய்ய தீர்மானித்தது.
இதன்படி முதலில் களமிறங்கிய டெல்லி அணியில், பிரித்வி ஷா 4 ரன்னிலும், ரகானே 15 ரன்னிலும் அவுட்டாகினர். தொடர்ந்து 3-வது விக்கெட்டுக்கு களமிறங்கிய கேப்டன் ஸ்ரேயாஸ் அய்யர், தொடக்க வீரர் தவான் உடன் ஜோடி சேர்ந்து அணியை சரிவில் இருந்து மீட்கும் பணியில் ஈடுபட்டனர்.
சற்று அதிரடியை காட்டிய ஷ்ரேயஸ் அய்யர் 33 பந்துகளில் 42 ரன்களும், எடுத்து
ஆட்டமிழந்தார். ஸ்டாய்னிஸ் 8 பந்துகளில் 13 ரன்கள் எடுத்தும்
ஆட்டமிழந்தனர். 20 ஓவர்கள் முடிவில் டெல்லி கேப்பிட்டல்ஸ் அணி 4 விக்கெட்
இழப்பிற்கு 162 ரன்கள் எடுத்துள்ளது. தவான் 52 பந்தில் 69 ரன்கள் எடுத்து
களத்தில் இருந்தார்.
தொடர்ந்து 163 ரன்கள் எடுத்தால் வெற்றி என்ற
இலக்குடன் களமிறங்கிய மும்பை அணியில், கேப்டன் ரோகித் சர்மா 5 ரன்னில்
அவுட்டாகி அதிர்ச்சி அளித்தார். தொடர்ந்து டி காக்கும், சூர்யகுமார்
யாதவும் அதிரடியாக ஆடி அரைசதம் கடந்து அசத்தினர். இருவரும் 53 ரன்களில்
வெளியேறினர். இறுதியில் மும்பை அணி 5 விக்கெட்டுக்கு 166 ரன் எடுத்து
வெற்றி பெற்றது. குருணால் பாண்ட்யா 12 ரன்னும், பொல்லார்டு 11ரன்னும்
எடுத்து ஆட்டமிழக்காமல் இருந்தனர். இந்த வெற்றி மூலம் மும்பை அணி புள்ளிப்
பட்டியலில் முதலிடம் பிடித்து அசததி உள்ளது.