நியூசிலாந்தில் டி20 உலக கோப்பை தொடரை நடத்தலாம்; ஐடியாவை அள்ளிக் கொடுத்த டீன் ஜோன்ஸ்

டி 20 உலகக் கோப்பை தொடரை நியூசிலாந்தில் நடத்தலாம் என்று யோசனை தெரிவித்துள்ளார் ஆஸ்திரேலியாவின் முன்னாள் பேட்ஸ்மேன் டீன் ஜோன்ஸ்.

நியூசிலாந்து நாட்டின் பிரதமர் ஜசிந்தா ஆர்டெர்ன் சமூக தொலைதூர வழிகாட்டுதல்களை சரியான நடவடிக்கை மூலம் எளிதாக கையாண்டுள்ளார். அடுத்த வாரம் நியூசிலாந்து கொரோனா முதல் எச்சரிக்கை நிலைக்கு செல்ல முடியும் என்று தெரிவித்துள்ளார். இதன் பொருள் அனைத்து சமூக தொலைதூர நடவடிக்கைகள் மற்றும் வெகுஜன கூட்டங்கள் மீதான தடைகள் நீக்கப்படும் என்று அவர் தெரிவித்துள்ளதுதான்.

இதன் அடிப்படையில் அங்கு டி 20 உலகக்கோப்பை தொடரை நடத்தலாமா என்ற கோணத்தில் கிரிக்கெட் ஆர்வலகர்கள் சிந்தித்து வருகின்றனர்.

முன்னதாக நியூசிலாந்து பிரதமர் ஜசிந்தா ஆர்டெர்ன் எச்சரிக்கை நிலை 1 இன் கீழ் விமானங்களில் சமூக விலகல் தேவையில்லை என்று அறிவித்ததாக stuff.co.nz தெரிவித்துள்ளது.

வழிகாட்டுதல்களின்படி, கட்டுப்பாடுகள் நீக்கப்படும் மற்றும் வணிகங்கள் மற்றும் சேவைகள் தொடர்பான அனைத்து தற்போதைய COVID-19 விதிகளும் எச்சரிக்கை நிலை 1 இன் கீழ் நீக்கப்படும். இருப்பினும், எல்லை கட்டுப்பாடுகள் நடைமுறையில் இருக்கும் என்று தெரிவிக்கப்பட்டுள்ளது.

கடந்த வாரம், சர்வதேச கிரிக்கெட் கவுன்சில் (ஐ.சி.சி -ICC) டி 20 உலகக் கோப்பையின் தலைவிதி குறித்த முடிவை ஜூன் 10 வரை ஒத்திவைத்தது. இந்நிலையில்தான் டி 20 உலகக் கோப்பை தொடரை நியூசிலாந்தில் நடத்தலாம் என்று யோசனை தெரிவித்துள்ளார் ஆஸ்திரேலியாவின் முன்னாள் பேட்ஸ்மேன் டீன் ஜோன்ஸ். இதை கிரிக்கெட் வாரியம் பரிசீலனை செய்யுமா என்ற எதிர்பார்ப்பில் உள்ளனர் ரசிகர்கள்.