பாகிஸ்தான் அணிக்கு பயிற்சி அளிக்க விரும்பவில்லை... வெளிநாட்டு வீரர் அதிரடி முடிவு

பாகிஸ்தான்: பாகிஸ்தான் அணிக்கு பயிற்சி அளிக்க விரும்பவில்லை என்று தென்னாப்பிரிக்க வீரர் மிக்கி ஆர்தர் தெரிவித்து விட்டாராம்.
பாகிஸ்தான் கிரிக்கெட் வாரியத் தலைவராக நஜிம் சேத்தி பதவியேற்ற பிறகு, பல மாற்றங்கள் செய்யப்பட்டன. பல நிர்வாகிகள் நீக்கப்பட்டனர். அப்ரிடி தலைமையில் புதிய தேர்வுக் குழு அமைக்கப்பட்டது. பாகிஸ்தான் அணியின் தலைமைப் பயிற்சியாளராக தென்னாப்பிரிக்க வீரர் மிக்கி ஆர்தரை நியமிக்க பாகிஸ்தான் கிரிக்கெட் வாரியம் விரும்பியது.
ஆனால் அவர் பாகிஸ்தானுக்கு பயிற்சி அளிக்க விரும்பவில்லை. நம்பமுடியாத சூழல் காரணமாக ஆர்தர் பாகிஸ்தானுக்கு செல்ல மறுக்கிறார். கடந்த கால சம்பவமும் ஒரு காரணம்.
பாகிஸ்தானுக்கு வெளிநாட்டு பயிற்சியாளர்கள் வராதது குறித்து பாகிஸ்தான் அணியின் முன்னாள் கேப்டனும், முன்னாள் வேகப்பந்து வீச்சாளருமான வாசிம் அக்ரம் கூறியதாவது:- என்னிடம் கேட்டால் வெளிநாட்டு பயிற்சியாளர்கள் வரமாட்டார்கள் என்று கூறியிருப்பேன்.
கிரிக்கெட் வாரியம் மாறினால் ஒப்பந்தமும் முடிவுக்கு வந்துவிடுமோ என்ற அச்சம் அனைவருக்கும் உள்ளது. வெளிநாட்டுப் பயிற்சியாளர் இல்லை என்றால் பாகிஸ்தானிய பயிற்சியாளர் சேவையைப் பயன்படுத்த வேண்டும் என்று அவர் கூறினார்.