ரோஹித் ஷர்மாவிற்கு டெஸ்ட் கேப் வழங்கினர் பிரதமர் நரேந்திர மோடி

அகமதாபாத்: இந்தியா-ஆஸ்திரேலியா அணிகளின் கேப்டன்களுக்கு டெஸ்ட் போட்டிக்கான சிறப்பு தொப்பிகளை பிரதமர்கள் வழங்கல் ... இந்தியா மற்றும் ஆஸ்திரேலிய அணிகள் விளையாடிவரும் 4 போட்டிகள் கொண்ட பார்டர்-கவாஸ்கர் டெஸ்ட் தொடரின் 4-வது மற்றும் கடைசி போட்டி இன்று அகமதாபாத், நரேந்திர மோடி ஸ்டேடியத்தில் நடைபெறுகிறது.

இதனை அடுத்து இந்த போட்டியை நேரில் காண இந்தியா மற்றும் ஆஸ்திரேலியா நாடுகளின் பிரதமர்கள் வந்துள்ளனர்.

இந்த தொடரில் இந்தியா 2-1 என்ற கணக்கில் முன்னிலை வகிக்கும் நிலையில், இன்று நடைபெறும் இறுதிப்போட்டியில் வென்றால் மட்டுமே ஐசிசி உலக டெஸ்ட் சாம்பியன்ஷிப் தொடரின் இறுதிப்போட்டிக்கு செல்ல முடியும் என்பதால் இன்றைய போட்டி இந்தியாவிற்கு மிக முக்கியத்துவம் வாய்ந்ததாகக் கருதப்படுகிறது.

எனவே போட்டிக்கு முன்னதாக, 2 பிரதமர்களும் கோல்ஃப் வண்டியில் வடிவமைக்கப்பட்ட “தேரில்” நரேந்திர மோடி மைதானத்தில் வலம் வந்தனர். 2 நாட்டு பிரதமர்களும் ரசிகர்களை நோக்கி கை அசைத்தவாறு மைதானத்தை சுற்றி வந்தனர்.

இதனையடுத்து இரு நாட்டு பிரதமர்களும், இரு அணிகளின் கேப்டன்களுக்கும் டெஸ்ட் போட்டிக்கான சிறப்பு தொப்பிகளை வழங்கினர்.