விளையாட்டில் சரித்திர சாதனை படைத்த ரோஹித் சர்மா..

கிரிக்கெட் வரலாற்றில் தொடர்ந்து 13 டி20 போட்டிகளில் வெற்றி பெற்ற முதல் கேப்டன் என்ற பெருமையை இந்திய கேப்டன் ரோகித் சர்மா பெற்றார். இங்கிலாந்துக்கு எதிரான மூன்று போட்டிகள் கொண்ட தொடரின் முதல் டி20 போட்டி சவுத்தாம்ப்டனில் நடைபெற்றது. இந்த போட்டியில் இந்திய அணியை ரோஹித் வழிநடத்தினார். இந்த போட்டியில் இந்திய அணி 50 ரன்கள் வித்தியாசத்தில் வெற்றி பெற்றதை அடுத்து இந்த சாதனையை நிகழ்த்தினார்.

விராட் கோலியிடம் இருந்து கேப்டன் பொறுப்பை ஏற்ற பிறகு, ரோஹித் ஷர்மா நியூசிலாந்து, வெஸ்ட் இண்டீஸ், இலங்கை மற்றும் தற்போது இங்கிலாந்துக்கு எதிராக வெற்றிக்கு அழைத்துச் சென்றார்.

பர்மிங்காமில் இங்கிலாந்துக்கு எதிரான இந்தியாவின் ஐந்தாவது டெஸ்டில் கேப்டன் ரோஹித் சர்மா கோவிட்-19 தொற்றுக்கு ஆளானதால் போட்டியில் பங்கேற்கவில்லை. அவருக்கு பதிலாக பும்ரா கேப்டனாக செயல்பட்டார். இங்கிலாந்து அணிக்கு எதிரான முதல் டி20 போட்டியில் இந்திய அணி அபாரமாக விளையாடி போட்டியை வென்றது. ​​ஹர்திக் பாண்டியாவின் ஆல்ரவுண்ட் ஆட்டம் இந்திய அணியின் வெற்றியை சாத்தியப்படுத்தியது.

பர்மிங்காமில் சனிக்கிழமை நடைபெறும் இரண்டாவது டி20 போட்டியில் இரு அணிகளும் மோதுகின்றன. சாதனை படைத்த வெற்றி மகன் என்று அனைவரும் பெருமைக்கொண்டு வாழ்த்தினர்.