ரோகித் சர்மா ஐபிஎல் தொடரில் சில போட்டிகளில் விளையாட மாட்டார்

மும்பை: மும்பை ரசிகர்களுக்கு மேலும் அதிர்ச்சியாக அந்த அணியின் கேப்டன் ரோகித் சர்மா ஐபிஎல் தொடரில் சில போட்டிகளில் விளையாட மாட்டார் என தகவல் வெளியாகியுள்ளது.

ஐபிஎல் 16வது சீசன் வரும் 31ம் தேதி தொடங்குகிறது. இதில் சென்னை, மும்பை, கொல்கத்தா, குஜராத், ராஜஸ்தான் உள்பட மொத்தம் 10 அணிகள் பங்கேற்கின்றன. ஐபிஎல் தொடரில் பல கோப்பைகளை வென்ற மும்பை அணி, கடந்த இரண்டு சீசன்களாக பிளே ஆஃப் சுற்றுக்கு தகுதி பெறாதது ரசிகர்களை சோகத்தில் ஆழ்த்தியுள்ளது.

இந்நிலையில், இந்த சீசனில் மும்பை மீண்டும் பழைய பார்முக்கு வந்து கோப்பையை வெல்லும் என ரசிகர்கள் எதிர்பார்க்கின்றனர். ஆனால் மும்பை அணியின் நட்சத்திர வேகப்பந்து வீச்சாளர்களான பும்ரா மற்றும் ரிச்சர்ட்சன் ஆகியோர் தொடர் தொடங்குவதற்கு முன்பே காயம் காரணமாக வெளியேறியது அந்த அணிக்கு பெரும் பின்னடைவாக கருதப்படுகிறது.

வங்கதேசத்துக்கு எதிராக இரட்டை சதம் அடித்த மும்பை அணியின் தொடக்க ஆட்டக்காரர் இஷான் கிஷான் பெரிய ஸ்கோரை எட்ட முடியாமல் திணறி வருகிறார். இதேபோல், அதிரடி வீரர் சூர்யகுமார் யாதவும் ஆஸ்திரேலியாவுக்கு எதிராக தொடர்ந்து 3 ஒருநாள் தொடரில் பார்மில் இருந்து வெளியேறினார்.

இந்நிலையில், மும்பை ரசிகர்களுக்கு மேலும் அதிர்ச்சியாக அந்த அணியின் கேப்டன் ரோகித் சர்மா ஐபிஎல் தொடரில் சில போட்டிகளில் விளையாட மாட்டார் என தகவல் வெளியாகியுள்ளது.

உலக டெஸ்ட் சாம்பியன்ஷிப் தொடரின் இறுதிப் போட்டி ஐபிஎல் தொடருக்குப் பிறகு நடத்தப்படும் என்றும், இதனால் அவர் முழு உடல்தகுதியுடன், அதில் பங்கேற்கும் வகையில் புத்துணர்வுடன் இருப்பார் என்றும் முடிவு எடுக்கப்பட்டுள்ளதாக தகவல் வெளியாகியுள்ளது.

ஐபிஎல் தொடரில் ரோஹித் சில போட்டிகளில் விளையாடவில்லை என்றால், அந்த போட்டியில் சூர்யகுமார் யாதவ் கேப்டனாக செயல்படுவார் என்றும் தகவல்கள் வெளியாகியுள்ளன.