சென்னை- ராஜஸ்தான் அணிகள் இடையிலான போட்டிக்கான டிக்கெட் விற்பனை மும்முரம்

சென்னை: சென்னை - ராஜஸ்தான் அணிகள் இடையிலான ஐபிஎல் லீக் ஆட்டம் சென்னை சேப்பாக்கம் மைதானத்தில் வரும் 12ம் தேதி நடைபெற உள்ளது. இதற்கான டிக்கெட் விற்பனை மும்முரமாக நடந்தது.

சென்னை சேப்பாக்கம் மைதானத்தில் வரும் 12ம் தேதி சென்னை சூப்பர் கிங்ஸ்- ராஜஸ்தான் ராயல்ஸ் அணிகள் இடையிலான ஐபிஎல் லீக் ஆட்டம் (இரவு 7.30 மணி) நடைபெற உள்ளது.

சென்னை சூப்பர் கிங்ஸ்- ராஜஸ்தான் ராயல்ஸ் போட்டிக்கான டிக்கெட் விற்பனை இன்று தொடக்கம்...! இந்த போட்டிக்கான டிக்கெட் விற்பனை காலை 9.30 மணிக்கு தொடங்கி நடைபெற்று வருகிறது.

சேப்பாக்கம் கிரிக்கெட் ஸ்டேடியத்தில் உள்ள இரு கவுண்ட்டர்களில் ரூ.1,500-க்கான (சி,டி, இ கீழ்தளம்) டிக்கெட் விற்கப்படுகிறது. ரூ.2,000, ரூ.2,500 விலைக்கான டிக்கெட்டுகள் கவுண்ட்டரிலும், PAYTM மற்றும் www.insider.in ஆகிய இணையதளங்களிலும் ஆன்லைன் மூலம் வாங்கிக் கொள்ளலாம்.

ரூ,3,000 விலைக்குரிய டிக்கெட் (டி, இ மேல்தளம்) ஆன்லைன் மூலமே விற்கப்படும். ஒரு நபருக்கு இரண்டு டிக்கெட்டுக்கு மேல் வழங்கப்படாது. இந்த தகவலை சென்னை சூப்பர் கிங்ஸ் நிர்வாகம் தெரிவித்துள்ளது. இரவு முதலே காத்துக்கொண்டிருந்த ரசிகர்கள், தற்போது டிக்கெட்டை வாங்கிச்செல்கின்றனர்.