திருப்பதி ... ரூ.300 தரிசன டிக்கெட் இன்று காலை ஆன்லைனில் வெளியீடு
By: vaithegi Tue, 25 Apr 2023 09:59:27 AM
திருப்பதி: இன்று காலை 10 மணிக்கு வெளியீடு ... திருப்பதி ஏழுமலையான் கோவிலில் தேவஸ்தானம் சார்பில் ரூ.300 தரிசன கட்டண டிக்கெட்டுகள் மாதந்தோறும் ஆன்லைனில் வெளியிடப்படுகிறது.
இதையடுத்து அதன்படி மே மற்றும் ஜூன் மாதத்திற்கான ரூ.300 தரிசனம் டிக்கெட்கள் இன்று (செவ்வாய்க்கிழமை) ஆன்லைனில் காலை 10 மணிக்கு வெளியிடப்படவுள்ளது.
எனவே இதை பக்தர்கள் https://tirupathibalaji.ap.gov.in என்ற இணையத்தில் முன்பதிவு செய்து கொள்ளலாம் எனவும் TTDevasthanams என்ற தேவஸ்தானத்தின் அதிகாரப்பூர்வ மொபைல் செயலியிலும் டிக்கெட் பதிவு செய்துகொள்ளலாம் எனவும் திருப்பதி தேவஸ்தானம் தகவல் தெரிவித்துள்ளது.
மேலும் திருமலையில் மே மாதம் பக்தர்கள் தங்குவதற்கான அறைகள் முன்பதிவு நாளை (26-ம் தேதி) காலை 10 மணிக்கும், திருப்பதியில் உள்ள அறைகள் ஏப்.27-ம் தேதி காலை 10 மணிக்கும் வெளியிடப்பட உள்ளது.
எனவே, பக்தர்கள் தங்களுக்கு தேவையான டிக்கெட் மற்றும் அறைகளை முன் பதிவு செய்து கொள்ளலாம் எனவும் தேவஸ்தானம் தகவல் தெரிவித்துள்ளது.
