தாதுக்கள் நிறைந்த கத்திரிக்காய் அளிக்கும் நன்மைகள்
By: Nagaraj Sat, 15 Oct 2022 10:39:39 PM
சென்னை: கத்தரிக்காயில் தனித்துவமான ஊட்டச்சத்துக்கள் நிறைந்துள்ளது. மேலும் இது நமது உடல் ஆரோக்கியத்திற்கு உதவியாக இருக்கும். இதில் நன்மை பயக்கும் வைட்டமின்கள், தாதுக்கள் மற்றும் கொழுப்பு அமிலங்கள் உள்ளது.
இந்த ஊட்டச்சத்துக்கள் எலும்பு, மூளை மற்றும் இதய ஆரோக்கியத்தை மேம்படுத்த உதவுகிறது. கத்தரிக்காய் ஆயுர்வேத மருத்துவத்தில் பல நோய்களை குணப்படுத்த பயன்படுத்தப்படுகிறது. கத்தரிக்காயின் பயன்பாடுகளை தெரிந்து கொள்வோம்.
கத்தரிக்காயில் நார்ச்சத்து அதிகமாகவும், கரையக்கூடிய கார்போஹைட்ரேட் குறைவாகவும் உள்ளது. இது ரத்த சர்க்கரை அளவை கட்டுப்படுத்த உதவுகிறது. கத்தரிக்காயில் வைட்டமின்கள் தாதுக்கள் மற்றும் ஆக்சிஜனேற்றங்கள் நிறைந்துள்ளது. இவை தோலின் பளபளப்பை மேம்படுத்தும் மற்றும் இளமையை அதிகரிக்கும். கத்திரிக்காயில் ஆக்ஸிஜனேற்ற பண்புகள் அதிகம் உள்ளது, அதனால் நமது இதய ஆரோக்கியம் மேம்படும்.
கத்திரிக்காயில் உள்ள சேர்மங்கள் தோல் புற்றுநோய் வராமல் தடுக்கிறது.
நரம்புகளுக்கு வலுவூட்டும் மற்றும் சளி, இருமலைக் குறைக்கும்.
கத்தரிக்காயில் அதிக நீர்ச்சத்து மற்றும் கலோரிகள் குறைவாக உள்ளது. இது
உடல் எடையை குறைக்க விரும்புவோருக்கு ஏற்றதாக இருக்கும்.
கத்தரிக்காய் சிறுவயதில் வரும் பார்வை குறைபாடுகளை தடுக்கும்.
எலும்பு தாது அடர்த்தியை மேம்படுத்தி எலும்பை பலப்படுத்தும்.
இரும்புச்சத்து
குறைபாடினால் ஏற்படும் இரத்த சோகைக்கு கத்தரிக்காய் சிகிச்சை அளிக்கிறது.
சிவப்பு ரத்த அணுக்களின் உற்பத்தி மற்றும் ஹீமோகுளோபின் அளவை
அதிகரிக்கிறது.
கத்தரிக்காயில் இரும்பு சத்து மற்றும் கால்சியம் உள்ளது. இது எலும்பு ஆரோக்கியத்திற்கு உதவுகிறது.