வெந்நீரில் குளிப்பதால் ஏற்படும் தீமைகள் பற்றி தெரியுங்களா?

சென்னை: பலர் தினமும் குளிப்பதற்கு வெந்நீரைப் பயன்படுத்த விரும்புகின்றனர். குளிர் காலத்திலும், காலையில் நல்ல வெந்நீரில் குளிப்பது, சோம்பலைப் போக்கி, புத்துணர்ச்சி பெற பலருக்கு உதவும். வெந்நீரில் சிறிதளவு யூகலிப்டஸ் எண்ணெயைக் கலந்து குளித்தால் உடல்வலி நீங்கி சளி, இருமல் குணமாகும் என நம்பப்படுகிறது. ஆனால் அது உண்மையல்ல.

உண்மையில், சூடான குளியல் உடலுக்கு நல்லதை விட அதிக தீங்கு விளைவிக்கும். உங்கள் சருமம் மென்மையாகவும் ஆரோக்கியமாகவும் இருக்க வேண்டுமெனில், அடிக்கடி சூடான குளியல் செய்வதைத் தவிர்க்கவும். வெந்நீரில் குளிப்பதால் சருமத்தின் ஈரப்பதம் குறைகிறது. உங்கள் சருமம் உணர்திறன் உடையதாக இருந்தால், நீங்கள் கண்டிப்பாக வெந்நீரில் குளிக்கக் கூடாது. அரிப்பு, ஒவ்வாமை போன்றவை இலவச இணைப்பாக வரும்.

சுடுதண்ணீர் குளியல் தூக்கத்தை கலைக்கும் சிறப்பு என்று நினைப்பது தவறு. குளிக்கும் போது நன்றாக இருக்கும். ஆனால் நாளடைவில் உடலும் மனமும் பலவீனமடைகின்றன. தொடர்ந்து வெந்நீரில் குளிப்பவர்கள் இளமைத் தோற்றம் மாறி விரைவில் தோல் சுருக்கம் ஏற்படும்.

தலையில் வெந்நீரில் குளித்தால் முடியின் வேர்கள் வலுவிழந்து அதிக முடி உதிர்வு ஏற்படும். ஆண்கள் வழுக்கையை அனுபவிக்கலாம். மழைக்காலம் மற்றும் குளிர்காலங்களில் வெந்நீர் குளியல் வசதியாக இருக்கும். பழகினால் உடல் அதற்கு அடிமையாகிவிடும்.

அடுத்து வரும் வெயில் காலத்திலும் பலர் வெந்நீரில் குளிப்பார்கள். வழக்கத்திற்கு மாறாக இதைச் செய்வதைத் தவிர்ப்பது நல்லது. குளிர்காலத்தில் வெந்நீர் குளியலை கோடையில் குளிர்ந்த நீராக மாற்றலாம்.