சருமத்தை மென்மையாக பாதுகாக்க உதவுகிறது கத்திரிக்காய்

சென்னை: கத்தரிக்காயில் உள்ள நீர்ச்சத்து, சருமத்தை மென்மையாக வைத்துக் கொள்ள உதவுகிறது. உடலுக்கு ஊட்டம் தருகின்ற அனைத்து விட்டமின் சத்துக்களும் நிறைந்துள்ளன.

கத்திரிக்காயை உணவில் சேர்த்துக் கொள்ளும் பொழுது கல்லீரலின் செயல்பாட்டை மேம்படுத்துகிறது. எனவே கல்லீரல் சம்பந்தமான பிரச்சனைகள் ஏற்படாமல் தவிர்க்கலாம். கத்திரிக்காய் அதிகமாக உணவில் சேர்த்து வரும் பொழுது இதய தசைகள் வலுப்பெற்று, இரத்த ஓட்டமானது இதயத்திற்கு சீராக செல்கிறது.

கத்தரிக்காயில் வைட்டமின் பி 6, வைட்டமின் சி, பொட்டாசியம் மற்றும் பைட்டோநியூட்ரியண்ட் உள்ளன, இதனால் ஒட்டுமொத்த இதய ஆரோக்கியத்திற்கும் நல்லது.

எலும்புகள் மற்றும் பற்கள் உருவாவதற்கு தேவையான கால்சியம் உள்ளன. கத்தரிக்காயில் கொழுப்பு மிகக் குறைவாக உள்ளது. ஆனால் நார்ச்சத்து அதிகம் இருக்கிறது. கத்தரிக்காயில் உள்ள நார்ச்சத்து இரைப்பை சாறுகளின் சுரப்பைத் தூண்டுகிறது, இது நம் உடலுக்கு உணவை எளிதில் ஜீரணிக்க உதவுகிறது மற்றும் ஊட்டச்சத்துக்களை உறிஞ்சவும் உதவுகிறது.