நோய் எதிர்ப்பு சக்தியை அதிகரிக்க செய்யும் பழங்கள்

சென்னை: மாறிவரும் இன்றைய வாழ்க்கை முறையில், உங்கள் நோய் எதிர்ப்பு சக்தியை வலுப்படுத்துவது மிகவும் அவசியம். இதற்கு பழங்கள் அதிகம் உதவுகின்றன.

இது உங்கள் உடலை வலுவாக வைத்திருப்பது மட்டுமல்ல. மாறாக, நோய்களை எதிர்த்துப் போராடும் வலிமையையும் தருகிறது. இதனுடன், உங்கள் உடலின் ஆக்ஸிஜன் அளவையும் நீங்கள் கவனிக்க வேண்டும். அதனால் சுவாசப் பிரச்சனை வராது.

சுவாச பிரச்சனை உள்ளவர்கள் தங்கள் உணவில் கவனம் செலுத்த வேண்டும். இதற்காக நீங்கள் ரொம்பவும் கஷ்டப்பட வேண்டியதில்லை. மாறாக, உங்கள் உணவில் சில பழங்களை சேர்த்துக் கொண்டால் போதும். உடலில் ஆக்சிஜன் அளவை சரி செய்ய எந்தெந்த பழங்களை சாப்பிட வேண்டும் என்பதை தெரிந்து கொள்வோம்.

பேரிக்காய்களை உங்கள் உணவில் சேர்த்துக்கொள்வது இரத்தத்தில் ஆக்ஸிஜன் அளவை அதிகரிக்க உதவுகிறது, பேரிக்காய்களில் வைட்டமின் சி, வைட்டமின் கே, பொட்டாசியம், புரதம், நார்ச்சத்து மற்றும் தாமிரம் போன்ற ஊட்டச்சத்துக்கள் உள்ளன. இது ஆரோக்கியத்திற்கு மிகவும் நன்மை பயக்கும். இதை உட்கொள்வதன் மூலம், உங்கள் உடலின் ஆக்ஸிஜன் அளவு சீராக இருக்கும்.

பப்பாளி வயிறு பிரச்சனைகளை தீர்ப்பதோடு, ஆரோக்கியத்திற்கு பல வழிகளில் பயனுள்ளதாக இருக்கிறது. காலையில் இதை உட்கொள்வதன் மூலம் மல சிக்கலில் இருந்து முழுமையாக விடுபடலாம். இதில் பொட்டாசியம், கார்போஹைட்ரேட், புரதங்கள், வைட்டமின்கள் ஏ, பி, சி போன்ற சத்துக்கள் உள்ளன.

இது உடலில் ஆக்சிஜன் அளவை அதிகரிக்க உதவுவதோடு மட்டுமல்லாமல், உடலின் ஆற்றல் அளவை அதிகரித்து, நோய் எதிர்ப்பு சக்தியை பலப்படுத்துகிறது. எனவே, உங்கள் உடலில் ஆக்சிஜன் குறைந்தால், பப்பாளியை உணவில் சேர்த்துக் கொள்ள வேண்டும்.