கறிவேப்பிலை உணவில் நறுமணத்தை தருவதோடு ஆரோக்கியத்தையும் தருகிறது!!

நாம் சமைத்து உண்ணும் உணவில் காணப்படும் ஒரு முக்கிய பொருள் கறிவேப்பிலை. இதை பலரும் சாப்பிடுவதில்லை. ஆனால் கறிவேப்பிலையில் கால்சியம், இரும்புச்சத்து, நார்ச்சத்து, மெக்னீசியம், பாஸ்போரோஸ் போன்ற கனிமச்சத்துக்களும் மற்றும் வைட்டமின் எ, பி, சி, இ போன்றகளும் நிறைந்துள்ளது.

கறிவேப்பிலையில் அதிக அளவில் உள்ள வைட்டமின் எ உங்கள் கண்களின் ஆரோக்கியத்திற்கு மிகவும் முக்கியம். வைட்டமின் எ குறைபாட்டால் உங்களுக்கு மாலைக்கண் நோய், கண் உறுத்தல் போன்ற பிரச்சினை ஏற்படும்.

கறிவேப்பிலைக்கு உங்கள் உடலில் உள்ள தேவையற்ற கேட்ட கொழுப்பினை கரைக்கும் சக்தி உண்டு. இதில் அதிக அளவில் ஆன்டிஆக்ஸிடண்ட்ஸ் நிறைந்துள்ளது. தினமும் வெறும் வயிற்றில் 10 கறிவேப்பிலை இலையினை உண்டு வந்தால் உங்களின் உடல் பருமன் கணிசமாக குறையும்.

இரும்புச்சத்து குறைபாட்டால் ஏற்படும் பிரச்சினைகளில் முக்கியமான ஒன்று இரத்த சோகை நோய் ஆகும். கறிவேப்பிலையில் அதிக அளவில் இரும்புச்சத்து நிறைந்துள்ளது. தினம் 10 கறிவேப்பிலையினை உண்டு வந்தால் உங்களுக்கு இரத்த சோகை நோய் ஏற்படாமல் தடுக்கும்.

கறிவேப்பிலையில் அதிக அளவில் கால்சியம் மற்றும் மெக்னீசியம் சத்துக்கள் நிறைந்துள்ளது. கால்சியம் நிறைந்த உணவுகளில் இருந்து கால்சியம் சத்துக்களை உறிஞ்ச மெக்னீசியம் சத்தானது முக்கிய பங்கினை வகிக்கின்றது. கறிவேப்பிலை உண்ணும்பொழுது உங்களின் எலும்புகள் மற்றும் பற்கள் வலிமை பெறும்.