ஆரோக்கியம் அளிக்கும் வெங்காயத்தின் பயன்கள் பற்றி அறிவோம்!!!

சென்னை: உடலில் கட்டுப்பாடற்ற இரத்த சர்க்கரை அளவு நீரிழிவு அபாயத்தை அதிகரிக்கும். எனவே, நீரிழிவு நோயாளிகள் தங்கள் உணவில் மிகவும் கவனமாக இருக்க வேண்டும்.

நீரிழிவு நோயைத் தவிர்க்க உங்கள் உடலில் இரத்த சர்க்கரை அளவைக் கட்டுப்படுத்த விரும்பினால், உங்களுக்கு ஆரோக்கியமான உணவு தேவை. நார்ச்சத்து நிறைந்த உணவுகளை நீங்கள் சேர்க்க வேண்டும்.

வெங்காயத்தையும் சேர்க்கலாம். வெங்காயம் இந்தியாவில் மிக எளிதாகக் கிடைக்கும் காய்கறிகளில் ஒன்றாகும், இது கிட்டத்தட்ட எல்லா உணவு வகைகளிலும் பயன்படுத்தப்படுகிறது. ஒரு வெங்காயத்தில் சுமார் 44 கலோரிகள் உள்ளன. வைட்டமின் சி, வைட்டமின் பி6, ஃபோலேட், பொட்டாசியம், சல்பர் போன்றவையும் இதில் நிறைந்துள்ளது.

வெங்காயத்தில் சுமார் 17 வகையான பிளாவனாய்ட்ஸ், (ஆன்டிஆக்ஸிடென்ட்ஸ்) உள்ளன. இதன் கிளைசெமிக் இண்டெக்ஸ் 11. சர்க்கரை நோயாளிகள் வெங்காயத்தை உணவில் தாராளமாக சேர்க்கலாம், ஏனெனில் அது மிகக் குறைந்த அளவில் உள்ளது.

வெங்காயத்தில் உள்ள ஆன்டிஆக்ஸிடென்ட்ஸ், குறிப்பாக அன்தோசயனின் மற்றும் கொர்சிட்டின், செல் வீக்கத்தைக் குறைத்து, நீரிழிவு, இதய நோய் மற்றும் அதிக கொலஸ்ட்ரால் ஆகியவற்றைத் தடுக்கிறது. மேலும் கொர்சிட்டின் கணையம், கொழுப்பு, கல்லீரல் மற்றும் தசைகளில் உள்ள செல்களுடன் தொடர்பு கொண்டு இரத்தத்தில் உள்ள சர்க்கரை அளவைக் குறைக்கிறது.