செலரியில் உள்ள மருத்துவக்குணங்கள் பற்றி தெரிந்து கொள்வோம்

சென்னை: செலரி பார்ப்பதற்கு பெரிய சைஸ் கொத்தமல்லியைப் போலவே இருக்கும். மணத்தில் அதை மிஞ்சி விடும். இந்த செலரியின் மருத்துவ நன்மைகள் பற்றி தெரிந்து கொள்வோம்.

செலரி இலைகளுக்கு நோய் எதிர்ப்பு சக்தியை அதிகரிக்கும் தன்மை உண்டு. உயிரி தொழில்நுட்ப தகவலுக்கான தேசிய மையத்தின் விஞ்ஞான ஆராய்ச்சி மையமானது, செலரி விதைகளில் உயர் இரத்த அழுத்த எதிர்ப்பு விளைவு இருப்பதைக் கண்டறிந்துள்ளது. இது உயர் இரத்த அழுத்தத்தைக் கட்டுப்படுத்த வேலை செய்யும் என்பது நிரூபிக்கப்பட்டுள்ளது. இந்த காரணத்திற்காக, செலரியின் நன்மைகள் இரத்த அழுத்த பிரச்சினையில் நன்மை பயக்கும் என்பதை என்று நம்பலாம்.


செலரியின் நன்மைகளில் கொலஸ்ட்ரால் அளவைக் கட்டுப்படுத்துவதும் அடங்கும். செலரியில் 3-என்-பியூட்டிபாலைட் என்ற ரசாயன கலவை உள்ளது. இது இரத்த ஓட்டத்தில் கெட்ட கொழுப்பைக் குறைக்க உதவும். இந்த அடிப்படையில், செலரி ஜூஸ் குடிப்பது கொழுப்பின் அளவைக் குறைக்க உதவும் என்று நம்பலாம்.

உடல் பருமன் பிரச்சினையால் யாராவது பாதிக்கப்பட்டிருந்தால் அவர்கள் தினசரி உணவில் செலரியையும் சேர்க்கலாம். செலரி ஒரு பயனுள்ள எடை கட்டுப்படுத்தியாக செயல்படுகிறது. செலரியில் கலோரிகளில் குறைவாக உள்ளது மற்றும் நார்ச்சத்தும் அதிக அளவு காணப்படுகிறது. இது பசியை கட்டுப்படுத்துகிறது. இதன் மூலம் எடை அதிகரிப்பை கட்டுக்குள் வைத்திருக்க முடியும்.


புற்றுநோய் போன்ற ஒரு அபாயகரமான நோயில் இருந்து பாதுகாக்கிறது. நிபுணர்களின் கூற்றுப்படி, செலரியில் எபிஜெனின் எனப்படும் ஒரு உறுப்பு உள்ளது. இது புற்றுநோய் உடலில் பரவுவதை குறைகிறது. இந்த காரணத்திற்காக, புற்றுநோயின் அபாயத்தைத் தவிர்ப்பதற்கு செலரி பயன்பாடு ஓரளவிற்கு நன்மை பயக்கும் என்று நம்பலாம்.