மூக்கடைப்பு மற்றும் சைனஸ் தொல்லை நீங்க இயற்கை வழிகள்

சென்னை: மூக்கடைப்பு மற்றும் சைனஸ் தொல்லைக்கு நிவாரணம் அளிக்கும் வீட்டுக் கைமருத்துவத்தைப் பார்க்கலாம்.

எஸன்ஷியல் எண்ணெய்கள்:

தேவையானவை:
3-4 துளிகள் நீலகிரி தைலம்3-4 துளிகள் லாவெண்டர் எண்ணெய்
3-4 துளிகள் எழுமிச்சை எண்ணெய்

அனைத்து எண்ணெய்களையும் கலந்து உங்கள் விரல்நுனிகளில் தடவுங்கள். உங்கள் கழுத்து, நெற்றி மற்றும் கழுத்தின் பின்னால் தடவுங்கள். இதை தினமும் சுவாசிக்கும் போது மூக்கில் ஏற்பட்ட அடைப்புகள் நீங்கும்.

ஆப்பிள் சைடர் வினிகர்: இரண்டு டீஸ்பூன் ஆப்பிள் சைடர் வினிகரை 6 அவுன்ஸ் குடிநீரில் கலந்து குடிக்கவும். இதை கொண்டு நீங்கள் கொப்புளிக்கவும் செய்யலாம். இது உங்கள் உடம்பில் உள்ள அமிலத்தன்மையை குறைத்து, உடலை சீர்ப்படுத்தும்.

வர மிளகாய் மிளகு டீ:

தேவையானவை:
வர மிளகாய் பொடி 1 தேக்கரண்டி
தேன் 2 தேக்கரண்டி
எலுமிச்சை 1

அனைத்து பொருட்களையும் வெந்நீரில் கலந்து குடித்தால், சளித்தொல்லை விடுபடும்.

இஞ்சி:
தேவையானவை:
– 1-2 தேக்கரண்டி துருவிய இஞ்சி
– 1 கப் வெந்நீர்

இஞ்சியை வெந்நீரில் கலந்து சில நேரங்களுக்கு பின்பு வடிகட்டி பருகவும். ஒரு நாளைக்கு 3 கப் இஞ்சி டீக்கள் குடிக்கலாம். இஞ்சியில் பல நுன்கிருமிகளை அழிக்கும் தன்மை உள்ளதால் இது உடலுக்கு ஆரோக்கியத்தைக் கொடுக்கும்.

தேன்: தேனை வெதுவெதுப்பான நீரில் கலந்து குடிக்கவும், இது உடலில் உள்ள கழிவுகளை அகற்றுவதோடு, கோழையை நீக்கி மூக்கு அடைப்புகளை சரி செய்யும்.

ஆவி பிடித்தல்: ஆவி பிடிப்பது ஒரு எளிமையான வழியாகக் கருதலாம். ஏனெனில் இதில் நீங்கள் எதையும் உட்கொள்ள வேண்டாம். ஒரு பாத்திரத்தில் கொதிக்கும் நீரை ஊற்றி அதில் சில எஸன்ஷியல் எண்ணெய் துளிகளை ஊற்றவும். ஆவி பிடிக்கும் போது மூக்கில் உள்ள அடைப்புகள் நீங்கி மூச்சு சீரடையும்.